مامۆستایانی خۆپیشانده‌ری هه‌ولێر په‌یامێكی ناڕه‌زایی ئاراسته‌ی ئه‌و لیست و قه‌واره‌و ده‌زگا ڕاگه‌یاندنانه ده‌كه‌ن و ده‌ڵێن: ئه‌وه‌ی ئێستا له‌قۆناغه‌كانی بانگه‌شه‌ی هه‌ڵبژاردن ئێمه‌ی نیگه‌ران كردووه‌و بۆته مایه‌ی ناڕه‌زایی ئێمه ئه‌وه‌یه كه هه‌ندئ كاندید و لیست و ده‌زگای ڕاگه‌یاندن خۆپیشاندانه‌كانی ئێمه‌و به‌شداری خۆیان وه‌ك به‌شێك له‌پرۆسه‌ی بانگه‌شه به‌كار ده‌هێنن و خۆیان ده‌كه‌نه پاڵه‌وانی خۆپیشاندانه‌كان.
ده‌شڵێن: خۆپیشاندانه‌كانی ئێمه بۆ هه‌ڵمه‌ته‌كانیان بۆ ئه‌وه‌ی ده‌نگی پێ كۆبكه‌نه‌وه بۆ خۆیان و لیسته‌كانیان به‌كارده‌هێنن.
هه‌روه‌ها ده‌شڵێن: ئێمه وه‌كو مامۆستایانی ناڕازی له هه‌ولێر لێره‌وه ڕایده‌گه‌یه‌نین سه‌ره‌ڕای ئه‌وه‌ی هیچ كات سڵ ناكه‌ینه‌وه له‌داواكردنی مافه‌كانی خۆمان و به‌ده‌ست هێنانه‌وه‌ی موچه شایسته پاشه‌كه‌وت كراوه‌كانمان له‌هه‌مان كات به‌هیچ شێوه‌ك ڕازی نین هیچ لیست و كاندیدێك ئێمه وه‌ك كه‌ره‌سته‌ی هه‌ڵبژاردن به‌كاربێنیت و وێنه‌و چالاكیه‌كانی ئه‌و رۆژانه‌مان به‌كار بێنیت و بیقۆزته‌وه بۆ بانگه‌شه‌ی هه‌لبژاردن.
ده‌شڵێن: به‌پێچه‌وانه‌وه ڕیكاری یاسایی ده‌گرینه به‌ر به‌رامبه‌ر هه‌ر لیست و كاندیدێك له‌كاتی دووباره كردنه‌وه‌ی ئه‌و دیارده‌یه‌و خۆشمان چاودێری ده‌كه‌ین.
ئه‌مه‌ش ده‌قی به‌یاننامه‌كه‌یه:
"به‌داخه‌وه له‌كاتێكدا ئێمه له‌سۆنگه‌ی دڵسۆزیمان بۆ پیشه‌ی خۆمان و بۆ داكۆكی له‌مافی به‌شخوراوی موچه‌خۆران و مامۆستایان بێ بیركردنه‌وه له‌هیچ ئایدیا و بیرو بۆچونێك و به‌بێ بیركردنه‌وه له‌به‌رژه‌وه‌ندی كه‌سی و حیزبی و ئایینی خۆمان و بێ هاندانی كه‌س، خۆرسكانه هاتینه سه‌ر شه‌قامه‌كان و به‌شیوازی شارستانی داوای مافه‌كانی خۆمان كرد له‌هه‌لگرتنی سته‌می پاشه‌كه‌وتی مووچه و ده‌ره‌نجامه‌كه‌شمان بینی كه هه‌وڵه‌كانمان كاریگه‌ری خۆی هه‌بو ئه‌گه‌رچی هێشتا له ئاستی خواسته‌كانی ئێمه نه‌بو، وه جوانی خۆپیشاندانه‌كان له‌وه‌وه بو كه مامۆستایان و موچه خۆران به‌هه‌مو ده‌نگ و ڕه‌نگی جیاوازه‌و به‌شداربون، ئه‌گه‌رچی له‌رۆژه‌كانی كۆتایی خۆپیشاندانه‌كان هه‌ندێ خه‌ڵك ویستیان ئه‌جێندای خۆیان بهیێنه ناو خۆپیشاندانه‌كان و بۆ به‌رژه‌وه‌ندی بیرو ئایدیاو به‌رنامه‌ی خۆیان بیقۆزنه‌وه به‌ڵام ئه‌وه‌شیان بۆ نه‌كرا.
به‌داخه‌وه‌ش هه‌ر له‌و كاتی چه‌ندان مامۆستاو فه‌رمانبه‌رو راگه‌یاندنكار ڕووبه‌ڕوی ئه‌شكه‌نجه‌و سوكایه‌تی و ده‌ستگیر كردن هاتن و چه‌ندان پێشیلكاری مافه‌كانی مرۆڤ ڕوویداو هیچ كه‌س خۆی نه‌كرده خاوه‌نی ئه‌و خه‌ڵكه .
ئه‌وه‌ی ئێستا له‌قۆناغه‌كانی بانگه‌شه‌ی هه‌ڵبژاردن ئێمه‌ی نیگه‌ران كردووه‌و بۆته مایه‌ی ناڕه‌زایی ئێمه ئه‌وه‌یه كه هه‌ندێ كاندید و لیست و ده‌زگای ڕاگه‌یاندن خۆپیشاندانه‌كانی ئێمه‌و به‌شداری خۆیان وه‌ك به‌شێك له‌پرۆسه‌ی بانگه‌شه به‌كار ده‌هێنن و خۆیان ده‌كه‌نه پاڵه‌وانی خۆپیشاندانه‌كان بۆ هه‌ڵمه‌ته‌كانیان بۆ ئه‌وه‌ی ده‌نگی پێ كۆبكه‌نه‌وه بۆ خۆیان و لیسته‌كانیان، بۆیه ئێمه لێره‌وه ڕایده‌گه‌یه‌نین سه‌ره‌ڕای ئه‌وه‌ی هیچ كات سڵ ناكه‌ینه‌وه له‌داواكردنی مافه‌كانی خۆمان و به‌ده‌ست هێنانه‌وه‌ی موچه شایسته پاشه‌كه‌وت كراوه‌كانمان له‌هه‌مان كات به‌هیچ شێوه‌ك ڕازی نین هیچ لیست و كاندیدێك ئێمه وه‌ك كه‌ره‌سته‌ی هه‌ڵبژاردن به‌كاربێنیت و وێنه‌و چالاكیه‌كانی ئه‌و رۆژانه‌مان به‌كار بێنیت و بیقۆزته‌وه بۆ بانگه‌شه‌ی هه‌لبژاردن به‌پێچه‌وانه‌وه ڕیكاری یاسایی ده‌گرینه به‌ر به‌رامبه‌ر هه‌ر لیست و كاندیدێك له‌كاتی دووباره كردنه‌وه‌ی ئه‌و دیارده‌یه‌و خۆشمان چاودێری ده‌كه‌ین."
به‌شێك له‌مامۆستاو فه‌رمانبه‌رانی به‌شداربوی خۆپیشاندانه‌كان له‌شاری هه‌ولێر.
کۆمێنت (0)
تا ئێستا هیچ کۆمێنتێک نەکراوە.