لە گوندی قەڵا سەیدە لە شارۆچکەی سەرکەپکانی قەزای رانیە، کچێک خۆی دەکوژێت، پۆلیسی راپەڕینیش دەڵێت، لە ماڵەکەی خۆیدا و بە چەکی ''بڕنۆ'' تەقەی لەخۆی کردووە و خۆی کوشتووە.
پۆلیسی راپه‌ڕین له راگه‌یه‌ندراوێكدا پاش نیوەڕۆی ئەمڕۆ کاتژمێر 3:30 خولەک تەرمی کچێکی 18 ساڵ بەناوی (ها.م.ح) پیشەی خوێندکار، دانیشتوی گوندی قەڵا سەیدە سەربە ناحیەی سەرکەپکان سەر بە قەزای رانیە گەیەنرایە نەخۆشخانەی گشتی رانیە.
ئه‌وه‌شی باسكردووه: دوای دەرچوونی هێزەکانمان لە بەڵگە و تاوان و بنکەی پۆلیسی سەرکەپکان بۆ شوێنی رووداوەکە، ده‌ستكرا بەسەر چەکی بەکارهاتوو لە جۆری چەکی (بڕنه‌و) لەگەڵ یەک قەوانی تەقیو لە هەمان جۆری چەک.
راشیگه‌یاندووه‌ی: دەست بەجێ رێکاری یاسایی گیرایە بەر و بەگوێرەی وتەی کەسوکاری دەرکەوت ناوبرا بەتەنیا لە ژوورێکی ماڵەکەی خۆیاندا دوای ئەوەی دەرگای لەسەر خۆیدا داخستووە و بەچەکی بڕنۆ یەک فیشەکی ناوە بەخۆیەوە و بەو هۆیەشەوە گیانی لەدەست داوە.
پۆلیسی راپه‌ڕین ده‌شڵێت: تەرمی ناوبراو گواسترایەوە بۆ پزیشکاری دادوەری رانیە و دوای ئەنجامدانی توێکاری پزیشکی بۆ تەرمەکەی ڕادەستی کەسوکاری کرایەوە، دۆسیەی لێکۆڵینەوە بۆ رووداوەکە کرایەوە و لێکۆڵینەوە لە رووداوەکە بەردەوامە، تا ئێستاش كه‌س له‌سه‌ر ئه‌و رووداوه ده‌ستگیر نه‌كراوه.
کۆمێنت (0)
تا ئێستا هیچ کۆمێنتێک نەکراوە.