له‌میانى به‌ڕێوه‌چوونى یاریه‌كانى هه‌فته‌ى 36ى خولى پله‌یه‌كى ئیسپانیا ، ئێواره‌ى ئه‌مڕۆ یه‌ك شه‌ممه كاتژمێر 9:45 شه‌و به‌كاتى هه‌ولێر بارسێلۆنا له‌كامپ نوو میواندارى ریال مه‌درید ده‌كات ، بارسێلۆنا له‌كاتێك میواندارى ریال مه‌درید ده‌كات نازناوى خوله‌كه‌ى یه‌كلا كردووه‌ته‌وه له‌پاڵه‌وانى بوونى .
ڤالڤێردى راهێنه‌رى بارسێلۆنا له‌لێدوانى بۆ ڕۆژنامه‌نووسان رایگه‌یاند : راسته ئێمه پاڵه‌وانین ، خوله‌كه‌مان یه‌كلا كردووه‌ته‌وه به‌ڵام كلاسیكۆ تایبه‌ت مه‌ندى و گرنگى خۆی هه‌یه بۆیه ده‌مانه‌وێت براوه‌بین له‌یاریه‌كه‌دا ، وه‌ئاماده‌یی ته‌واوى ئه‌و یاریه‌شمان هه‌یه كه‌تێیدا براوه بوون به‌سه‌ر ریال مه‌درید تۆمار بكه‌ین وه وه‌رزه‌كه به‌كۆتا بێنین به‌بێ شكست كه‌تا ئێستا دووچارى هیچ دۆڕانێك له‌خوله‌كه نه‌هاتوین .
له‌به‌رامبه‌ردا زێدان راهێنه‌رى ریال مه‌درید رایگه‌یاند : ئێمه گوێ ناده‌ین به‌وه‌ى له‌ڕیزبه‌ندى خوله‌كه له‌پله‌ى چه‌نده‌مین ، ئێمه بۆ براوه بوون یاری ده‌كه‌ین ، ده‌مانه‌وێت سه‌ركه‌وتن له‌و یاریه‌دا تۆمار بكه‌ین ، له‌باره‌ى ڕێره‌و دروست كردن وه‌ك رێزلێنانێك بۆ بارسێلۆنا له‌كاتێككدا بووه‌ته پاڵه‌وانى خول ، زێدانى ڕه‌تى ئه‌مه‌ى كردووه ووتى پێشتر بۆ ئێمه ئه‌نجام نه‌دراوه له‌لایه‌ن بارسێلۆنا بۆیه ئێمه ئه‌و كاره ئه‌نجام ناده‌ین چاوه‌ڕوان مه‌بن لێمان .
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.