به‌ڕێوه‌به‌رایه‌تیی پۆلیسی پارێزگای هه‌ولێر، ده‌ستگیركردنی كۆمه‌ڵێك تۆمه‌تبار ڕاده‌گه‌یه‌نێت، كه له چه‌ندین تاوانی جیاجیاوه تێوه گلاون.
لیوای مافپه‌روه‌ر "عه‌بدولخالق ته‌ڵعه‌ت" به‌ڕێوه‌به‌ری پۆلیسی هه‌ولێر، له كۆنگره‌یه‌كی ڕۆژنامه‌وانیدا بۆ مێدیاكان ڕایگه‌یاند: له ماوه‌ی ڕابردوودا، كۆمه‌ڵێك تۆمه‌تباریان قۆڵبه‌ست كردووه.
هه‌روه‌ها ئاماژه‌ی به‌وه‌ش كرد: تۆمه‌تباره‌كان له چه‌ندین تۆمه‌تی جیاجیاوه تێوه گلاون، كه له هه‌ولێر و ده‌وروبه‌ریدا تاوانه‌كانیان ئه‌نجام داوه و به گوێره‌ی یاساش مامه‌ڵه‌یان له‌گه‌ڵدا ده‌كرێت.
به‌ڕێوه‌به‌ری پۆلیسی هه‌ولێر، ڕوونیشی كرده‌وه: دادگا دۆسیه‌ی تۆمه‌تباره‌كانی یه‌كلا كردووه‌ته‌وه و دادوه‌ریش به‌پێی مادده یاساییه‌كان، بڕیاری به‌ندكردن و سزادانیان ده‌دات.
گوتیشی: هه‌فته‌ی داهاتوو، له پرێسكۆنفرانسێكدا، ناسنامه‌ی تۆمه‌تباره‌كان بۆ ده‌زگاكانی ڕاگه‌یاندن ده‌خه‌نه ڕوو.
کۆمێنت (0)
تا ئێستا هیچ کۆمێنتێک نەکراوە.