دوێنێ ئێواره‌ی له كاتی چوونیان بۆ ئاههه‌نگێكی بوك گواستنه‌وه 2 خێزان تووشی ڕووداوێك ده‌بن و به هۆیه‌وه هه‌موویان بریندار ده‌بن.
ئێواره‌ی دوێنێ له‌سه‌ر ڕێگه‌ی ئاكرێ- نوهاڤا ئۆتۆمبیلێكی جۆری بی ئێم له‌به‌رزایی گردێكه‌وه وه‌ڕده‌گه‌ڕێت و ده‌كه‌وێته دۆڵێكه‌وه، له ئۆتۆمبیله‌كه‌شدا 2 پیاو و 2 ئافره‌ت و 3 منداڵ هه‌بوونه و هه‌موویان بریندار بوون و گه‌یه‌نرانه نه‌خۆشخانه‌ی فریاكه‌وتنی ئاكرێ.
شایه‌نی باسه هه‌ردوو ئافره‌ته‌كه دووگیان بوونه‌و به هۆی سه‌ختی برنه‌كانیان و له هه‌مان كاتدا دووگیان بوونیان به په‌له بۆ چاره‌سه‌ر كردنی پێویست و ڕزگاركردنی خۆیان و كۆرپه‌له‌كانی ناو سكیان ڕه‌وانه‌ی نه‌خۆشخانه‌ی فریاكه‌وتنی دهۆك كراون.
کۆمێنت (0)
تا ئێستا هیچ کۆمێنتێک نەکراوە.