دۆناڵد تره‌مپ، سه‌رۆكی ئه‌مه‌ریكا كات و شوێنی كۆبوونه‌وه‌ی خۆی له‌گه‌ڵ كیم جۆنگ ئون، سه‌رۆكی كۆریای باكوور ئاشكرا ده‌كات.
دۆناڵد تره‌مپ، رایگه‌یاند، به‌مزووانه كات و شوێنی كۆبوونه‌وه‌كه ئاشكرا ده‌كه‌ن و گوتی" ئێستا شوێن و كاتی دیدیاره‌كه ئاماده كراوه، به‌مزووانه رایده‌گه‌یه‌نین".
كه‌ناڵی "سی بی ئێس"ى ئه‌مه‌ریكی، له زاری سه‌رچاوه‌یه‌كی ئیداره‌ی تره‌مپ بڵاویكردووه‌ته‌وه، یه‌كه‌م دیداری نێوان دۆناڵد تره‌مپ، سه‌رۆكی ئه‌مه‌ریكا و كیم جۆنگ ئون، سه‌رۆكی كۆریای باكوور، یان له مه‌نگۆلیا یان سه‌نگاپووره ده‌بێت.
پێشتر كه‌ناڵی "سی بی ئێس"ى ئه‌مه‌ریكی، بڵاویكرده‌وه، تره‌مپ له كاتی له كاتی سه‌ردانه‌كه‌یدا بۆ ئه‌ڵمانیا و له كۆنگره‌ی رۆژنامه‌وانی هاوبه‌شدا له‌گه‌ڵ ئه‌نگێلا مێركل راوێژكاری ئه‌ڵمانیا باسی له‌وه كردووه، دوو ده‌وڵه‌ت بۆ ئه‌و دیداره ده‌ستنیشان كراون.
كه‌ناڵه‌كه ئاماژه‌ی به‌وه‌شكردبوو، یه‌كه‌م دیداری نێوان دۆناڵد تره‌مپ، سه‌رۆكی ئه‌مه‌ریكا و كیم جۆنگ ئون، سه‌رۆكی كۆریای باكوور، یان له مه‌نگۆلیا یان سه‌نگاپووره ده‌بێت.
تا ئێستاش لی شیان لۆنگ، سه‌رۆك وه‌زیرانی سه‌نگاپووره, ئه‌و هه‌واڵه‌ی پشتڕاستنه‌كردووه‌ته‌وه و رایگه‌یاند، وڵاته‌كه‌ی هیچ داواكارییه‌كی فه‌رمی له واشنتن یان پیۆنگ یانگه‌وه بۆ ئه‌و مه‌به‌سته پێنه‌گه‌یشتووه.
تا ئێستاش كات و شوێنی كۆبوونه‌وه‌ی لووتكه‌ی نێوان تره‌مپ و كیم به فه‌رمی ئاشكرا نه‌كراوه.
کۆمێنت (0)
تا ئێستا هیچ کۆمێنتێک نەکراوە.