دوێنی چوارشه‌ممه ڕێككه‌وتی 2ی ئایاری 2018 له‌ڕێوڕه‌سمێكدا به ئاماده‌بوونی به‌ڕێوه‌به‌ری گشتی ڕۆشنبیری هونه‌ری هه‌ولێر و سه‌رۆكی فێستیڤاڵ و میوانان و شانۆكاران و هونه‌رمه‌ندان سێیه‌مین فێستیڤاڵی هه‌ولێر بۆ شانۆی مۆنۆدراما كۆتایی هات به به‌شداری تیپ و گرووپه شانۆیه‌كانی ـ هه‌ولێر ، كه‌ركوك ، سلێمانی ، ده‌روازه‌ی ڕاپه‌رین ، پیره‌مه‌گروون ، ده‌ربه‌ندیخان .
سه‌ره‌تای مه‌ڕاسیم وتاری كۆتایی فێستیڤاڵ له‌لایه‌ن هیوا سوعاد خوێندرایه‌وه ، پاشان وتاری به‌ڕێوه‌به‌رایه‌تی گشتی ڕۆشنبیری‌و هونه‌ر له‌لایه‌ن فه‌رهه‌نگ غه‌فور خوێندرایه‌وه ، به‌رله‌وه‌ی لێژنه‌ی دادوه‌ری براوه‌ی خه‌ڵاته‌كان ڕابگه‌یه‌نێت ، سووپاس و ڕێزلێنان به‌سه‌ر تیپ و گرووپه شانۆییه‌كان به‌شداربوو دابه‌شكرا ، له‌كۆتاییدا لێژنه‌ی دادوه‌ری فێستیڤاڵ براوه‌ی خه‌ڵاته‌كانی به‌م شێوه‌یه ڕاگه‌یاند :
خه‌ڵاتی باشترین ئه‌كته‌ری كچ درا به خاتوونی شانۆكار سه‌رگووڵ حوسێن .
خه‌ڵاتی باشترین ئه‌كته‌ری كوڕ درا به شانۆكار سدیق حوسێن .
خه‌ڵاتی باشترین ده‌رهێنان و نمایش بۆ شانۆیی شه‌وێك له‌دۆزه‌خ له‌ده‌رهێنانی سدیق حوسێن.
خه‌ڵاتی لێژنه‌ی فێستیڤاڵ درا به ده‌رهێنه‌ر مه‌ریوان عوومه‌ر و ئه‌كته‌ری شانۆكار ئه‌سه‌ل ئه‌حمه‌دو ئاراز عه‌بدولره‌حمان .
جێگه‌ی ئاماژه پێدانه ساڵانه فێستیڤاڵی هه‌ولێر بۆ شانۆی مۆنۆدراما به‌ڕێوه‌به‌رایه‌تی هونه‌ری شانۆی هه‌ولێر به‌هاوكاری لقی هه‌ولێری سه‌ندیكای هونه‌رمه‌ندانی كوردستان به‌ڕێوه‌چوو ، كه سێیه‌مین خوولی بوو كه‌ساڵانه له‌مانگی نیسان ئه‌نجامده‌رێت كه‌وتۆته سه‌ر ڕێچكه‌ی خۆی به‌هاوكاری و دڵسۆزی و خه‌مخۆرانی هونه‌ری شانۆ ساز ده‌كرێت .
كوردستان تیڤی/ كامران حاجی
کۆمێنت (0)
تا ئێستا هیچ کۆمێنتێک نەکراوە.