وەزیری دەرەوەی مەغریب رایگەیاند كە وڵاتەكەی پێوەندییە دپلۆماسییەكانی لەگەڵ ئێران دەپچڕێنێت بەهۆی پاڵپشتیكردنی بۆ گرووپی پۆلیساریۆ.
ئاژانشی هه‌واڵی رۆیته‌رز بڵاویكرده‌وه كه ئه‌مڕۆ سێشه‌ممه 1ی ئایاری 2018، حكومه‌تی مه‌غریب بڕیاری داوه په‌یوه‌ندییه دیپلۆماسییه‌كانی له‌گه‌ڵ كۆماری ئیسلامیی ئێران بپچڕێت.
به‌گوێره‌ی هه‌واڵه‌كه‌ی رۆیته‌رز، حكومه‌تی مه‌غریب ئێرانی به پشتیوانیكردن له به‌ره‌ی پۆلیسیاریۆ تۆمه‌تبار كردووه.
ئاژانسه‌كه له‌زاری ناسر بوریته، وه‌زیری ده‌ره‌وه‌ی مه‌غریب بڵاویكردوه‌ته‌وه كه حكومه‌تی وڵاته‌كه‌ی به‌نیازه باڵیۆزخانه‌ی خۆی له تارانی پایته‌ختی ئێران دابخات و باڵیۆزی ئێرانیش له ریبات-ی پایته‌خت ده‌ربكات.
به‌ره‌ی پۆلیسیاریۆ واته به‌ری میللیی رزگاریخوازی بیابانی سور و دۆڵی ئاڵتونی، ئه‌م گروپه ساڵی 1973 دامه‌زراوه و ئامانجی دامه‌زراندنی ده‌وڵه‌تێكی سه‌ربه‌خۆیه له هه‌رێمی بیابانی خۆرئاوا.
کۆمێنت (0)
تا ئێستا هیچ کۆمێنتێک نەکراوە.