ده‌سته‌ى ڕۆژنامه‌نووسانى ڕه‌خنه‌گرى وه‌رزشى به‌ریتانیا ، له‌میانى ئه‌نجامدانى باشترینه‌كانى پریمه‌رلیگ بۆ ئه‌م وه‌رزه ، محه‌مه‌د سه‌لاحى میسرى یاریزانى دیارى لێڤه‌رپول به‌باشترین یاریزانى ئه‌م وه‌رزه‌ى خولى نایابى ئینگلیزى ده‌ست نیشان ده‌كه‌ن كه 400 ڕۆژنامه‌نووس ده‌نگى پێى داوه بۆ باشترین ، له‌دوای سه‌لاح یاریزان كیڤن دی برۆین یاریزانى مانچسته‌ر سیتى به‌دووه‌م یاریزان ده‌ست نیشان ده‌كرێت له‌باشترینى له‌م وه‌رزه‌ى پریمه‌رلیگ ، هاری كینى تۆتنهام پله‌ى سێیه‌مى پێدراوه .
محه‌مه‌د سه‌لاح له‌م وه‌رزه‌ى خولى یانه پله نایابه‌كانى ئینگلیزى له‌به‌شدارى 34 یاریدا 31 گۆلى تۆمار كردووه و له‌پێشه‌نگى گۆلكاران دێت .
محه‌مه‌د سه‌لاح له‌م وه‌رزه‌دا كه‌جیاوازتر له‌وه‌رزه‌كانى دیكه به‌دیار كه‌وت به‌ئاستێكى باش ، تایبه‌ت له‌خولى یانه پاڵه‌وانه‌كانى ئه‌وروپا توانى سه‌ركردایه‌تى یانه‌كه‌ى بكات و هۆكارێكى سه‌ره‌كى بێت كه‌یانه‌كه‌ى له‌ئێستادا له‌قۆناغى پێش كۆتایی چامپیۆنس لیگه .
محه‌مه‌د سه‌لاح له‌م وه‌رزه به‌باشترین یاریزانى پریمه‌رلیگ ده‌ست نیشانكراوه به‌پێتى ده‌نگى یاریزانان و راهێنه‌ران ، وه‌له‌لایه‌ن یه‌كێـتى تۆپى پێى ئینگلته‌را به‌هه‌مان شێوه به‌باشترین ده‌ست نیشانكراوه
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.