ته‌قینه‌وه‌ی بوتڵێکی غاز 11 قوربانی لێکه‌وته‌وه‌

له‌ ئاكامی ته‌قینه‌وه‌ی بتڵیكی غاز له‌ ماڵێكدا له‌شارۆچكه‌ی جزیر سه‌ربه‌ پاریزگای شرنه‌خ، دوو كه‌س گیانیان له‌ده‌ستدا و نۆ كه‌سی دیكه‌ش برینداربوون.

به‌پێی ئه‌و زانیارییانه‌ی ده‌ستكه‌وتوون، بتڵی غازی چێشتخانه‌ی نهۆمی دووه‌می ماڵێكی دوو نهۆمی له‌ گوندی كاترانی سه‌ر رێگه‌ی نێوان نسێبین-جزیر به‌ هۆكارێكی نادیار ته‌قیوه‌ته‌وه‌ و له‌ ئه‌نجامی هێزی ته‌قینه‌وه‌كه‌شدا بنمیچی ماڵه‌كه‌ رووخاوه‌.

له‌ ئاكامی رووداوه‌كه‌شدا دوو كه‌س گیانیان له‌ده‌ستداوه‌ و نۆ كه‌سی دیكه‌ برینداربوون. برینداره‌كان به‌ ئۆتۆمبیلی فریاكه‌وتن بۆ نه‌خۆشخانه‌كانی سلۆپی و جزیر گوازراونه‌ته‌وه‌.