یەکەمین تێستی دەنگدانی ئەلیکترۆنی ئه‌نجامدرا، تێستەکەش لەلایەن کارمەندانی کۆمیسیۆن و هەندێک هاووڵاتیان بوو.
کۆمیسیۆنی باڵای سەربەخۆی هەڵبژاردنەکانی عێراق لە هه‌ولێر و سلێمانی، یەکەمین تێستی دەنگدانی ئەلیکترۆنی ئەنجامدا، تێستەکە لەلایەن کارمەندانی کۆمیسیۆن و هەندێک هاووڵاتیانه‌وه ئەنجامدرا بۆ تاقیکردنەوە و شارەزابوون لە چۆنییەتی دەنگدان.
دەنگدانی ئەم جارەى هەڵبژاردن جیاوازە لە هەڵبژاردنەکانى تر و لە یەکەم هەنگاودا لەڕێگەى ئامێرێکى ئەلیکترۆنییەوە کارتى دەنگدان و پەنجەمۆری دەنگدەر بەراورد دەکرێت و دواتر وەرەقەی دەنگدان دەدرێتە هاوڵاتییەکە و دواتریش لە ڕێگەى قەڵەمی ئەلیکترۆنییەوە کە مۆرێک لە سەر خانەى دیاریکراو دروستدەکات هاوڵاتیان دەتوانن دەنگ بدەن، دواتر وەرەقەى دەنگدانەکە دەخرێتە سەر سندوقە ئەلیکترۆنییەکە و ئەگەر هیچ کێشەیەکی نەبێت ڕایدەکێشێت و دەنگەکە هەژمار دەکات.
بۆیەکەمجار لە مێژووی عێراق ئامێری ئەلیکترۆنی تایبەت بە هەژمارکردنی دەنگی دەنگدەرانی هەڵبژاردنەکەی مانگی ئایاری ساڵی 2018، بەکاردەهێنرێت.
کۆمێنت (0)
تا ئێستا هیچ کۆمێنتێک نەکراوە.