دانیشتنێکی دیکەی دادگاییکردنی سەڵاحەدین دەمیرتاش، هاوسەرۆکی پێشووی پارتی دیموکراتی گەلان- هەدەپە و سری سورەیا ئۆندەر، پەرلەمانتاری پارتەکە لە ئیستەنبوڵ بەڕێوەچوو.
رۆژی دووشەممە 30/4/2018 لە ئیستەنبوڵ، بەبێ ئامادەبوونی، دادگاییکردنی سەڵاحەدین دەمیرتاش، هاوسەرۆکی پێشووی هەدەپە و سری سورەییا ئۆندەر، پەرلەمانتاری ئەنقەرەی هەدەپە، بەڕێوە چوو.
سەڵاحەدین دەمیرتاش بەهۆی تێکچوونی باری تەندروستیی خۆیەوە، ئامادەی دانیشتنەکە نەبوو و دادوەریش هەموو پارێزەرەکانی لە دادگا دەرکرد.
پەرلەمانتارانی هەدەپە لە پرێس کۆنفرانسێکدا لە دەرەوەی دادگاکەدا، پرۆسەی دادگاییەکەیان بە ”شانۆگەری“ی حکوومەتی تورکیا وەسف کرد و داوای ئازادکردنی دەمیرتاشیان کرد.
پرۆسەی دادگاییکردنی هاوسەرۆکی هەدەپە و ئەو پەرلەمانتارەی هەدەپە بە بڕیاری دادگا بۆ رۆژی 8/6/2018 دواخرا.
داواکاری گشتیی کۆماری تورکیا داوای سزای پێنج ساڵ زیندانیکردنی هەریەکە لە دەمیرتاش و ئۆندەری کردووە.
دەمیرتاش لە 4/11/12016 لەسەر سکاڵای داواکاری گشتیی کۆماری تورکیا تۆمەتی سووکایەتیکردن بە وەـزیری ناوخۆی تورکیا و ئەندامبوون لە ”رێکخراوە تیرۆریستییەکان“ دەستگیر کراوە.
کۆمێنت (0)
تا ئێستا هیچ کۆمێنتێک نەکراوە.