گوتەبێژى عەشایەرەكانی عەرەبى نینه‌وا رەخنەی لە سەردانەكەی حەیدەر عەبادی سەرۆك وەزیرانی عێراق بۆ سلێمانی و هەولێر گرت و گوتی" عه‌بادى هەوڵی فیتنەگێڕی دەدات و ئاژاوەی تایفی دەنێتەوە.
ئەمڕۆ پێنجشەممە شێخ مەزاحم حویت گوتەبێژی عەشایەرەكانی عەرەبى نه‌ینه‌وا رایگەیاند، كە ئەوان پێشوازی لە سەردانەكەی عەبادی بۆ كوردستان و ناوچە كوردستانییەكانی دەرەوەی ئیدارەی هەرێمی كوردستان ناكەن.
گوتیشی "ئێمەی عەرەب هاوپشتی خۆمان بۆ بنەماڵەی شەهیدانی پێشمەرگە رادەگەیەنین، كە رووبەڕووی تیرۆریستانی داعش و میلیشیاكانی حەشدی شیعی بەسەركردایەتی عەبادی بوونەوە و خۆیان لەم پێناوەدا فیدا كردووه.
هەروەها پرۆتستۆی سەردانەكەی عەبادی كرد و رایگەیاند بۆ نانەوەی فیتنەی ئیتنی و تایفی ئەم سەردانەی كردووە، ئەو یەكەم كەسیش بوو فیتنەی لەنێوان شیعە و كورد نایەوە، كاتێ هێرشی كردە سەر كوردستان.
کۆمێنت (0)
تا ئێستا هیچ کۆمێنتێک نەکراوە.