د هه‌ڤدیتنه‌كه ناڤبه‌را سه‌ربه‌ست له‌زگین شوونكارێ وه‌زاره‌تا پێشمه‌رگه و ژه‌نه‌رال ئایقله‌ر فه‌رماندارێ هێزێن ئه‌مه‌ریكایێ ل هه‌رێما كوردستانێ و شاندا پێره، ته‌كه‌ز ل سه‌ر به‌رده‌وامبوونا هه‌ڤكاری و پشتگیریكرنا وه‌زاره‌تا پێشمه‌رگه ب تایبه‌ت د پرۆسێسا رێكخستن و چاكسازی یا وه‌زاره‌ت و هێزێن پێشمه‌رگه ده.
هه‌روه‌ها سۆز دا كو ل سه‌ر ئالیكاری كرنا هێزێ پێشمه‌رگه به‌رده‌وام بن و هه‌ردوو ئالیان ژی ته‌كه‌ز ل سه‌ر پێشده‌برنا تێكللی یێن نێڤبه‌را هێزێن پێشمه‌رگه و هێزێن ئه‌مه‌ریكایێ و هه‌ڤپه‌یمانان ده كرن. هه‌روه‌ها به‌حسا ره‌وشا نها یا عێراقێ ده‌ڤه‌رێ هاته كرن ب تایبه‌ت پرسێن ده‌ڤه‌رێن ده‌رڤه‌ی ئیدارا هه‌رێما كوردستانێ و ئاوایێ پێشده‌برنا تێكللی یێن نێڤبه‌را هه‌ولێر و به‌غدایێ، خویا ژی كر ته‌نێ رێ یا چاره‌سه‌ر كرنا گرفتان، بجێھ كرنا ده‌ستوورێ عێراقێ و ده‌ستپێكرنا گۆتوبێژانه د نێڤبه‌را هه‌ردوو ئالیان و ب هه‌ڤكاری یا هێزێن ئه‌وله‌هی ده‌ڤه‌رێن جێ ناكۆك بپارێزن.
ژبال خوه‌ڤه شوونكارێ وه‌زاره‌تا پێشمه‌رگه سوپاسی یا هكومه‌ت و هێزێن له‌شكه‌ری ئه‌مه‌ریكایێ كر ژبۆ به‌رده‌وامی و پشته‌ڤانی یا وان ژبۆ هێزێن پێشمه‌رگه، كو هه‌ر ژ ده‌ستپێكا شه‌رێ دژی ته‌رۆرستێن داعش تا نها.
کۆمێنت (0)
تا ئێستا هیچ کۆمێنتێک نەکراوە.