تورکیا تۆپبارانی دەڤەری سیدەکان دەکات، بەڕێوەبەری شارۆچکەکەش رایگه‌یاند: بەهۆی تۆپبارانەکە گوندەکانی خەلیفان و لێلکان چۆڵکران.
سه‌رله‌ئێواره‌ی ئه‌مڕۆ پێنجه‌ممه 5ی نیسانی 2018، بۆ جارێكی دیكه تۆپخانه‌كانی توركیا ده‌ستیانكرد به تۆپبارانكردنی ناوچه‌كانی ده‌ڤه‌ری برادۆست و به‌هۆیه‌وه چه‌ند گوندێك لە ناوچەی سیدەکان چۆڵكران.
ئیحسان چەلەبی، بەڕێوەبەری شارۆچکەی سیدەکان رایگەیاند: تورکیا تۆپبارانی گوندەکانی خەلیفان و لێلکان دەکات.
گوتیشی: ئەو دوو گوندە ئاوەدانن و بۆ پاراستنی ژیانیان، دانیشتووانەکه‌یان گوندەکانیان چۆڵكردووه و بۆ جارێكی دیكه ترس و دڵه‌راوكێ بۆ دانیشتوانی ئه‌م گوندانه دروست بووه.
کۆمێنت (0)
تا ئێستا هیچ کۆمێنتێک نەکراوە.