تۆمه‌تبارێکی هه‌ڵاتوو له‌ سلێمانی ده‌ستگیر کرا

به‌ڕێوه‌به‌رایه‌تی پۆلیسی سلێمانی ده‌ستگیركردنی تۆمه‌تبارێكی راگه‌یاند، كه‌ به‌ ئۆتۆمبیل 2 مناڵی خێزانێكی شێلابوو  و هه‌ڵاتبوو.

له‌ راگه‌یه‌ندراوه‌كه‌داكه‌دا هاتووه‌: شه‌وی‌ 4-4-2018 ، هێزه‌كانی‌ پۆلیسی‌ سه‌ید سادق تۆمه‌تبارێكیان ده‌ستگیر كرد كه‌ دوو منداڵی‌ شێلابوو و هه‌ڵاتبوو .

دوای‌ به‌دواداچوون و لێكۆڵینه‌وه‌ی‌ هێزه‌كانی‌ پۆلیس توانرا تۆمه‌تبار (ش ، ج ، ا ) له‌دایكبوی‌ 1996 ده‌ستگیر بكرێت .

منداڵه‌كان به‌ناوه‌كانی‌ ( ر ، ر ، ر ) ته‌مه‌ن 6 ساڵ و (ر ، ر ، ر ) ته‌مه‌ن 4 ساڵ له‌ نه‌خۆشخانه‌ن و چاره‌سه‌ری‌ پزیشكی‌ وه‌رده‌گرن .

 له‌ ئێستاشدا له‌لایه‌ن به‌شی‌ پۆلیسی‌ سه‌یدسادقه‌وه‌ په‌ڕاوی‌ لێكۆڵینه‌وه‌ بۆ ڕوداوه‌كه‌ كراوه‌ته‌وه‌و لێكۆڵینه‌وه‌ له‌ رووداوه‌كه‌ به‌رده‌وامه‌.