Erbil 33°C دووشەممە 15 تەمووز 08:29

تورکیا خاڵی سنووری پێشخابوور بۆردومان ده‌کات

سێ كارمه‌ندی ئاسایشی په‌یه‌ده‌ برینداربوونه‌
کوردستان TV
#7
100%


تۆپخانه‌كانی سوپای توركیا خاڵی سنووری پێشخابوور ـ سێمالكایان له‌ نێوان باشوور و رۆژئاوای كوردستان به‌چڕی تۆپباران كرد.

په‌یامنێری كوردستان تیڤی راگه‌یاند: تۆپخانه‌كانی سوپای توركیا خاڵی سنووری پێشخابوور ـ سێمالكایان له‌ رۆژئاوا و باشوور و كه‌ به‌ سێ گۆشه‌ی نێوان باشوور و باكوور و رۆژئاوا ناسراوه‌ كیلۆمه‌ترێك، ده‌وروبه‌ری خاڵی سنووری پێشخابووریان له‌ سنووری قه‌زای زاخۆ بۆردومانكرد‌.

هه‌روه‌ها رایگه‌یاند دوای بۆردومانكردنی ئه‌و سنووره‌ له‌لایه‌ن تۆپخانه‌كانی توركیا، ده‌روازه‌ی سنووری پێشخابوور - سێمالكا بۆ ماوه‌ی یه‌ك كاتژمێر داخرا.

لای خۆشیه‌وه‌ بابه‌كر زێباری به‌رپرسی میحوه‌ری رۆژئاوای دجله‌ له‌ لێدوانێكیدا بۆ ماڵپه‌ری كوردستان تیڤی رایگه‌یاند: ئه‌وه‌ دووه‌م جاره‌ تۆپخانه‌كانی توركیا ئه‌م سنوور تۆپباران ده‌كات، به‌پێ زانیارییه‌كانی ئێمه‌ سێ كارمه‌ندی ئاسایشی په‌یه‌ده‌ له‌ ده‌روازه‌ی سێمالكا لای رۆژئاوای كوردستان برینداربوونه‌.

به‌رپرسی میحوه‌ری رۆژئاوای دجله‌ گوتیشی: تۆپێك به‌ر كارگه‌یه‌كی چه‌و و لم كه‌وتووه‌ لای سنووری هه‌رێمی كوردستان زیانێكی زۆر به‌ر كارگه‌كه‌ كه‌وتووه‌.

بابه‌كر زێباری هه‌ر له‌ درێژه‌ی لێدوانه‌كه‌یدا گوتی: كه‌ له‌ كاتێكدا هیچ باره‌گایه‌كی (یه‌په‌گه‌) و (په‌یه‌ده‌) و (په‌كه‌كه‌) له‌م ناوچه‌یه‌ نییه‌ به‌س هێزی پێشمه‌رگه‌ و پاسه‌وانی سنووری عێراقی ئه‌م ناوچه‌یه‌ ده‌پارێزێت، گوتیشی تۆپخانه‌كانی توركیا به‌ هه‌ڕه‌مه‌كی بۆمبارانی كردووه‌.

 

کوردستان

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.