نوێكراوه‌ته‌وه..
"رێباز حه‌ملان" وه‌زیری دارایی و ئابووری هه‌رێمی كوردستان، نیوه‌ڕۆی ئه‌مڕۆ له كۆنگره‌یه‌كی ڕۆژنامه‌وانیدا بۆ ڕاگه‌یاندنه‌كان رایگه‌یاند: داوامان له گه‌نجینه‌كان كردووه هه‌ردوو لیستی وه‌زاره‌تی ته‌ندرووستی و په‌روه‌رده به سیسته‌می نوێی پاشه‌كه‌وت ئاماده بكه‌ن و بیده‌ن به وه‌زاره‌تی دارایی.
راشیگه‌یاند: بۆ ئه‌م مه‌به‌سته قسه‌مان له‌گه‌ڵ هه‌ریه‌ك له وه‌زیری په‌روه‌رده‌و ته‌ندروستی كردووه و پێمان ڕاگه‌یاندوون لیسته‌كانیان به سیسته‌می نوێی پاشه‌كه‌وت ئاماده بكه‌ن.
ده‌رباره‌ی وه‌زاره‌ته‌كانی تر، وه‌زیری دارایی رایگه‌یاند: ته‌واوی وه‌زاره‌ته‌كانی تریش ئاگادار ده‌كرێنه‌وه، تاكو لیستی مووچه به سیسته‌می نوێی پاشه‌كه‌وت ئاماده بكه‌ن.
راشیگه‌یاند: وه‌زاره‌تی سامانه سروشتییه‌كان هه‌ماهه‌نگه‌و بڕێك داهاتی دابیت كردووه تاك و له‌گه‌ڵ ئه‌و پاره‌یه‌ی كه له به‌غداوه هاتووه وه‌ك و مووچه‌ی فه‌رمانبه‌ران دابه‌شی بكه‌ین.
هه‌روه‌ها راشیگه‌یاند: چاوه‌ڕێین به‌غدا بری 317 ملیار دیاناره‌كه وئه‌مریكاش 25 ملیار بنێرێت تاكو به‌شێك له مووچه‌ی فه‌رمانبه‌ران و پێشمه‌رگه‌ی پی َدابه‌شبكه‌ین.
سه‌باره‌ت به مووچه‌ی وه‌زاره‌تی ناوخۆ، "ڕێباز حه‌ملان" ڕایگه‌یاند: له‌گه‌ڵ به‌رپرسانی وه‌زاره‌تی ناوخۆ كۆده‌بینه‌وه له باره‌ی ئه‌و بڕه‌پاره‌یه‌ی بۆیان زیاد كراوه.
کۆمێنت (0)
تا ئێستا هیچ کۆمێنتێک نەکراوە.