هێزێكی گه‌وره‌ی عێراق به پاڵپشتی فڕۆكه جه‌نگییه‌كان، ئۆپه‌راسێونێكیان له باشووری دوزخورماتوو به‌مه‌به‌ستی گه‌ڕان به دوای چه‌كدارانی داعش ده‌ست پێكردووه.
په‌یامنێرمان رایگه‌یاند به‌ره‌به‌یانی ئه‌مڕۆ چه‌كدارانی حه‌شدی شه‌عبی ئۆپه‌راسیۆنێكی دژ به چه‌كدارانی داعش له باشووری دوزخورماتوو ده‌ست پێكرد.
گوتیشی: به پاڵپشتی فڕۆكه‌كانی سوپا، لیواكانی حه‌شدی شه‌عبی و پۆلیسی ئیتیحادی و به‌رپه‌رچدانه‌وه‌ی خێرا، له ئۆپه‌راسیۆنه‌كه‌دا به‌شدارن.
هه‌روه‌ها په‌یامنێرمان راشیگه‌یاند: ئامانجی ئه‌و ئۆپه‌راسیۆنه‌ی هێزه چه‌كداره‌كانی عێراق له كاتێكدایه كه چه‌كدارانی داعش ماوه‌یه‌كه له سنووره‌كه جموجۆڵیان هه‌یه و چه‌ند جارێكیش هێزه ئه‌منییه‌كانی ئه‌و ناوچانه‌یان كردۆته ئامانج.
ئاماده‌كردنی: رزگار
کۆمێنت (0)
تا ئێستا هیچ کۆمێنتێک نەکراوە.