به‌ڕێوه‌به‌رایه‌تی گشتی كه‌شناسی و بومه‌له‌رزه‌زانی هه‌رێمی كوردستان ره‌وشی كه‌ش و هه‌وای ئه‌مڕۆ و پله‌كانی گه‌رمای سه‌رجه‌م پارێزگاكانی هه‌رێمی كوردستانی بڵاوكرده‌وه.
به پێی بڵاوكراوه‌ی به‌ڕێوه‌به‌رایه‌تی گشتی كه‌شناسی هه‌رێم ئه‌مڕۆ چوارشه‌ممه له هه‌ر چوار پارێزگای هه‌رێمی كوردستان (هه‌ولێر و سلێمانی و دهۆك و كه‌ركوك) ئاسمان هه‌ور ده‌بێت و له‌گه‌ڵ به‌رزبوونه‌وه‌ی تۆزو خۆڵێكی سووك له‌و ناوچانه پێشبینیش ده‌كرێت له‌كاتی ئێواره‌دا له ناوچه شاخاوییه به‌رزه‌كان باران ببارێت.
سه‌باره‌ت به پله‌ی گه‌رمای ئه‌مڕۆ له پارێزگاكانی هه‌رێمی كوردستان به‌رزترین پله‌ی گه‌رما له پارێزگای كه‌ركوكه كه پله‌كانی گه‌رما ده‌گاته 18 پله‌ی سه‌ددی و نزمترین پله‌ی گه‌رماش له شاری هه‌ڵه‌بجه‌یه كه ده‌گاته 12 پله‌ی سه‌ددی پله‌كانی گه‌رما له پارێزگای هه‌ولێریش 18 پله‌یه و له سلێمانی 13 و له پارێزگای دهۆكیش پله‌كانی گه‌رما ده‌گاته 14 پله‌ی سه‌ددی.
کۆمێنت (0)
تا ئێستا هیچ کۆمێنتێک نەکراوە.