به‌رپرسی دامه‌زراوه‌ی میدیایی خه‌ندان كه له‌لایه‌ن به‌رهه‌م ساڵح پاڵپشتی ده‌كرێت، رایده‌گه‌ێنێ، ئامانجی ئه‌م هه‌ڵمه‌ته‌ی مه‌لا به‌ختیار بریتییه له‌وه‌ی ئێمه راكێشێته ناو شه‌ڕی دژایه‌تیكردنی یه‌كێتی.
سلێمان عه‌بدوڵا یونس، به رۆژنامه‌ی ئاوێنه-ی راگه‌یاندووه، مه‌لا به‌ختیار شه‌ڕی كۆنه‌قین و شه‌ڕی به‌وه‌كاله‌ت له‌گه‌ڵ دكتۆر به‌رهه‌م ده‌كات و ئێمه له هاوپه‌یمانی نابینه په‌رچه‌كرداری پیاوێكی له‌و چه‌شنه.
هه‌روه‌ها ده‌شڵێ: ئامانجی ئه‌م هه‌ڵمه‌ته‌ی مه‌لا به‌ختیار بریتییه له‌وه‌ی ئێمه راكێشێته ناو شه‌ڕی دژایه‌تیكردنی یه‌كێتی و رابردووی پیرۆزی یه‌كێتی، به‌ڵام ئێمه به‌چاوی رێزه‌وه ده‌ڕوانینه یه‌كێتی ئه‌وه‌شی یه‌كێتی به‌م رۆژگاره گه‌یاندووه مه‌لا به‌ختیار و هاوچه‌شنه‌كانین كه پاشكۆی ئه‌م و ئه‌ون.
گوتیشی: زۆرێك له سه‌ركردایه‌تی یه‌كێتی، ئه‌نجومه‌نی ناوه‌ند، كادره تێكۆشه‌ره دیاره‌كانی ناو یه‌كێتی داوای گۆڕینی ئه‌م چه‌شنه له مه‌كته‌ب سیاسی-یان كردووه كه مه‌لا به‌ختیار پێشه‌نگی ئه‌م چه‌شنه‌یه.
کۆمێنت (0)
تا ئێستا هیچ کۆمێنتێک نەکراوە.