یه‌كه‌م ئه‌لبوومی خانمه میوزیكژه‌نی كورد " كه‌نار ته‌ها " كه له پێنج گۆرانیی و تراكێكی میوزیك پێكهاتووه له ژێر ناوی " راز و نیاز " بلاوده‌كرێته‌وه .
كه‌نار ئاشكرایده‌كات ئه‌و ئه‌لبوومه تازه‌ی پێنج گۆرانی له خۆ ده‌گرێت كه هه‌ر هه‌مووی گۆرانی فۆلكلۆرن له‌گه‌ڵ تراكێكی میوزیك كه به یه‌كه‌وه له‌گه‌ل هه‌ریه‌ك له میوزیكژه‌نان " نزار زیوی ، جه‌نگین جه‌مال ، كۆسار فه‌تاح و ئه‌فشین جه‌مال " موزیكه‌كه‌یان ژه‌نیوه و له ستۆدیۆی گرووپی لور ئه‌نمجامیان داوه .
ناوبراو وتیشی سه‌رجه‌م كاره‌كانی وه‌ك دابه‌شكردن ، میكس ، مایسته‌رینگ و ریكۆرد له لایه‌ن " نزار زیویی هاوسه‌ری ئه‌نجامدراوه و له ئێستادا تۆماركردنی ئه‌لبوومه‌كه ته‌واو بووه ، بریاره له مانگی داهاتوودا له مه‌راسیمێك بڵاویبكاته‌وه .
كه‌نار ته‌ها له خێزانێكی كورد په‌روه‌ر له شاخ له دایك بووه و به‌شی هونه‌ری له په‌یمانگای هونه‌ره جوانه‌كانی ته‌واو كردووه ،یه‌كێكه له ئه‌ندامانی گرووپی لور به ژه‌نینی ئامێری تار باس و سینتار به‌شداره .
جێی باسه ئه‌و هونه‌رمه‌نده ئاوازی بۆ گۆرانی ژماره‌یه‌ك له هونه‌رمه‌ندان داناوه و ئه‌م ئه‌لبوومه‌ی یه‌كه‌م كاری تایبه‌تی خۆیه‌تی كه بریاره به ناوی راز و نیاز بڵاویبكاته‌وه .
کۆمێنت (0)
تا ئێستا هیچ کۆمێنتێک نەکراوە.