ده‌زگای ڕوانگه به هاوكاری ڕێكخراوی جی ئای زێدی ئه‌ڵمانی 16 قوتابخانه‌ی له هه‌رێمی كوردستان نۆژه‌نكرده‌وه، ئه‌مڕۆش له مه‌ڕاسیمێكدا ڕاده‌ستی وه‌زاره‌تی په‌روه‌رده‌ی كردنه‌وه.
له‌و مه‌ڕاسیمه‌دا چه‌ند وتارێك پێشكه‌ش كران و هه‌ر له‌و مه‌ڕاسیمه‌دا پشتیوان سادق وەزیری پەروەردەی حکوومەتی هەرێمی کوردستان سوپاسی هه‌ردوو رێكخراوی جی ئای زێد و ده‌زگای روانگه‌ی كرد له هاوكاریكردنی كه‌رتی په‌روه‌رده و نۆژه‌نكردنه‌وه و دروستكردنی قوتابخانه، هاوكات رۆڵی خێرخوازانیشی له دروستكردن و نۆژه‌نكردنه‌وه‌ی قوتابخانه‌كان به‌رز نرخاند .
لای خۆشییه‌وه عه‌بدولسه‌لام مه‌ده‌نی به‌رێوه‌به‌ری جێبه‌جێكاری ده‌زگای روانگه رایگه‌یاند كه 16 قوتابخانه‌یان له هاوكاری له‌گه‌ڵ رێكخراوی جی ئای زێد نۆژه‌ن كردۆته‌وه دوازده‌یان له سلێمانی بوون و چواریان له هه‌ولێر .
کۆمێنت (0)
تا ئێستا هیچ کۆمێنتێک نەکراوە.