ئەنجوومەنی رۆحانیی ئێزدییان ئاشكراى ده‌كات، كه یاداشتێك پێشكەشی كۆمەڵگای نێودەوڵەتی ده‌كات بۆ باشتركردنی رەوشی ئێزدییان بە تایبەت لە عەفرین و شنگال.
ئەنجوومەنی رۆحانیی ئێزدییان رایگەیاند، ئەوان لە دوا كۆبوونەوەی خۆیاندا، چەندین تەوەریان باس كردووە، بە تایبەت رەوشی ئێزدییان لە عەفرین و شنگال، یادداشتێكیش لەو بارەیەوە دەدەنە كۆمەڵگای نێودەوڵەتی.
ئەنجوومەنەكە هەروەها رایگەیاندووە، بڕیارە یادداشتەكە بە فەرمی پێشكەشی ئێران و توركیا بكەن و هەروەها بۆ جیهان و دەزگاكانی پەیوەندیداری بنێرن، تا ناوچە ئێزدینشینەكان بپارێزن و كۆمەڵكوژییەكی دیكە بەسەر ئێزدییاندا نەیەت، چونكە ئێزدییەكان ئێستا لە عەفرین و شنگال "لە ژێر هەڕەشەی كومەڵكوژیدان.
بە گوێرەی ئامارەكان، تا ئێستا بە هەزاران ئێزدی ئاوارەی لوبنان و وڵاتانی دیكە بوون بەهۆی هاتنی هێزەكانی سەر بە سوپای توركیا بۆ ناوچەكانی عەفرین و هەموو مەزارگا و پەرستگاكانی ئێزدییانیش سووتێندراون و لەناو براون.
کۆمێنت (0)
تا ئێستا هیچ کۆمێنتێک نەکراوە.