پیاوێک له‌ سلێمانی ئاگر له‌ جه‌سته‌ی خۆی به‌رده‌دات

هاوڵاتییه‌ك له‌گه‌ڕه‌كی سه‌یوانی شاری سلێمانی له‌ماڵه‌كه‌ی خۆی، خۆی سووتاندو كۆتایی به‌ژیانی خۆی هێنا.

به‌ڕێوه‌به‌رایه‌تی پۆلیسی پارێزگای سلێمانی رایگه‌یاند: به‌یانی ئه‌مڕۆ ٢٠١٨/٣/٢٢، هاوڵاتییه‌ك له‌گه‌ڕه‌كی سه‌یوانی شاری سلێمانی له‌ماڵه‌كه‌ی خۆی، خۆی سووتاندو كۆتایی به‌ژیانی خۆی هێنا.

هاوڵاتییه‌كه‌ ناوی (ع، م، ع)و له‌ڕه‌گه‌زی نێره‌و له‌دایكبوی ساڵی ١٩٥٧و چه‌ند ساڵێكه‌ به‌ته‌نیا ده‌ژی، به‌پێی لێكۆڵینه‌وه‌ سه‌ره‌تاییه‌كان، نه‌خۆشی ده‌رونی هه‌بووه‌.

پۆلیسی سلێمانی ده‌شڵێ:  پاش گه‌یشتنی هێزه‌كانی پۆلیس، په‌ڕاوی لێكۆڵینه‌وه‌ بۆ ڕووداوه‌كه‌ كرایه‌وه‌و لێكۆڵینه‌وه‌ی زیاتر له‌ڕووداوه‌كه‌ ده‌ستیپێكرد.

ئاماده‌كردنی: رزگار