پارێزگاری هه‌ولێر رایده‌گه‌ێنی، ئێمه‌ش وه‌ك كورد هاوخه‌مین بۆ كه‌وتنی عه‌فرین، به‌ڵام كه‌ركوكیش شاری كوردییه ئه‌ی بۆچی بۆ كه‌وتنی كه‌ركوك ماته‌مینی ڕانه‌گه‌یه‌نرا.
نه‌وزاد هادی، پارێزگاری هه‌ولێر ڕایگه‌یاند: له‌دوای ڕووداوه‌كانی ١٦ی ئۆكتۆبه‌ر دۆخی كوردستان هه‌ر بۆخۆی خراپه، بۆیه ئێمه پێشتر هه‌ر بڕیارمان دابوو ته‌نها ئاگری نه‌ورۆز بكه‌ینه‌وه،چونكه ئاگری نه‌ورۆز له‌هه‌ر قۆناغێكدا بێت كورد كردوویه‌تیه‌وه و مانای ڕوبه‌ڕووبونه‌وه‌ی دوژمن و به‌رگری دێت.
پارێزگاری هه‌ولێر گوتیشی: به‌ڵام هه‌ندێك شت هه‌یه له‌ده‌سه‌ڵاتی پارێزگار نیه، ڕاگه‌یاندنی ماته‌مینی ده‌سه‌ڵاتی ئه‌نجومه‌نی وه‌زیرانه نه‌ك هی پارێزگاره‌كان.
نه‌وزاد هادی ئه‌وه‌شی گوتی: ئه‌گه‌ر مه‌سه‌له كه‌وتنی شاری كوردییه به‌ڵێ ئێمه‌ش وه‌ك كورد هاوخه‌مین، به‌ڵام كه‌ركوكیش شاری كوردییه ئه‌ی بۆچی بۆ كه‌وتنی كه‌ركوك ماته‌مینی ڕانه‌گه‌یه‌نرا.
سه‌رچاوه: ده‌نگی ئه‌مریكا
ئاماده‌كردنی: رزگار
کۆمێنت (0)
تا ئێستا هیچ کۆمێنتێک نەکراوە.