ژنان له وڵاتی مۆریتانیا جیا له ژنانی هه‌موو وڵاتانی عه‌ره‌بی .كاتێك له هاوسه‌ره‌كانیان جیاده‌بنه‌وه ئاهه‌نگ ده‌گێرن و خۆشی ده‌رده‌برن .
له هه‌واڵێكی سكا نیوزدا هاتووه كه له زاری دانیشتووانی ئه‌م وڵات ده‌یگێرێته‌وه ،دیارده‌ی جیابوونه‌وه‌ی ژنان له هاوسه‌ره‌كانیان به‌م مه‌به‌سته دێت نرخی ژنان به‌رز رابگیرێت و سۆزێكی تایبه‌تیان بۆ پیشان بده‌ن ، كاتێك له مێرده‌كانیان جیاده‌بنه‌وه په‌یوه‌ندییه خێزانییه‌كانیان هه‌ڵده‌وه‌شێننه‌وه .
له‌م ئاهه‌نگه‌دا هاورێ و كه‌سه نزیكه‌كانی كچه‌كه خۆشی ده‌رده‌برن ، به تایبه‌تی له‌م رۆژه‌ی كه به ته‌واوه‌تی لێك جیاده‌بنه‌وه ، وه‌ك جه‌ژنێك بۆ ئه‌و ئافره‌ته ته‌ماشا ده‌كرێت .
ئاهه‌نگی جیابوونه‌وه هه‌مان ئاهه‌نگی هاوسه‌رگیرییه ، ئه‌و ئافره‌ته‌ی جیاده‌بێته‌وه په‌نجه‌كانی ده‌ست و قاچه‌كانی به خه‌نه‌كردن ده‌نه‌خشێنن و ده‌یرازێننه‌وه ،ئاهه‌نگه‌كه‌ش له ماڵێكی تایبه‌تدا رێكده‌خرێت و كچان و هاورێ نزیكه‌كانی دیاری پێشكه‌ش به‌م ئافره‌ته ده‌كه‌ن .
کۆمێنت (0)
تا ئێستا هیچ کۆمێنتێک نەکراوە.