ته‌نیا بۆ ئه‌وه‌ی شێوه‌ی روخسار و جه‌سته‌ی بۆ شێوه‌ی كاره‌كته‌ری " باربی " بگۆرێت ، ئافره‌تێكی ئه‌مریكی به ناوی " ئۆفێلیا ڤانیتی " 35 هه‌زار دۆلاری ئه‌مریكی خه‌رج ده‌كات .
ماڵپه‌ری ( ده‌یلی مه‌یل ) ی به‌ریتانی ئاشكرایكردووه له شاری " لۆس ه‌نجلۆس " ی ویلایه‌تی " كالیفۆرنیا " له ئه‌مریكا ، ئافره‌تێكی ته‌مه‌ن 35 ساڵ به ناوی " ئۆفێلیا ڤانیتی " چه‌ند سالێكه حه‌زی كردووه شێوه‌ی روخسار و جه‌سته‌ی وه‌ك " باربی " لێبكات ، بۆ ئه‌م مه‌به‌سته‌ش تاكو ئێستا 35 هه‌زار دۆلاری خه‌رج كردووه له چه‌ند نه‌شته‌رگه‌رییه‌كی جوانكاری جیاواز .
ڤانیتی بۆ ئه‌وه‌ی شێوه‌ی به ته‌واوه‌تی بچێته سه‌ر شێوه‌ی " باربی " و بۆ ئه‌وه‌ی كه‌مه‌ری رێك وه‌ك كه‌مه‌ری باربی بچووك بێته‌وه ، نیازی وایه له داهاتوویه‌كی زۆر نزیكدا وله نه‌شته‌رگه‌رییه‌كی جوانكاریدا شه‌ش په‌راسووی خۆی ده‌ربهێنێت .
جێی باسه له ئێستادا له وڵات ئه‌ورووپییه‌كان و له ئه‌مریكاش خه‌ڵكانێكی زۆر هه‌ن ئاره‌زووی گۆرینی شێوه‌ی خۆیان بۆ شێوه‌ی كاره‌كته‌ره فیلمه كارتۆنییه‌كان ده‌كه‌ن و بۆ ئه‌م مه‌به‌سته‌ش چه‌ندین كه‌س ئه‌م كاره‌یان ئه‌نجامداوه .
کۆمێنت (0)
تا ئێستا هیچ کۆمێنتێک نەکراوە.