سه‌باره‌ت به كاتی كردنه‌وه‌ی رێگای سه‌ره‌كی هه‌ولێر- كه‌ركوك، ئه‌فسه‌رێكی پۆلیسی كه‌ركوك، كاتی كردنه‌وه‌ی ئه‌و رێگایه ئاشكرا ده‌كات و گوتی: هه‌موو ئاماده‌كارییه‌كان ته‌واوبوون.
بڕیارە سبەی دووشه‌م سوپای عێراق بەشێوەیەكی فەرمی ڕێی هەولێر - كەركووك بكاتەوە و بەرپرسێكی پۆلیس دەڵێت، ڕێوڕەسمێك بۆ ئەو مەبەستە ساز دەكرێت.
نەقیب بەكر حەسەن ئەفسەری هاتووچۆ لە پارێزگای كەركوك ڕایگەیاند: كردنەوەی ڕێی هەولێر - كەركوك هەموو شتێكی ته‌واو بووه و سبەی دووشەممه به فه‌رمی ئه‌و رێگایه سه‌ره‌كییه دەكرێتەوە.
ئه‌فسه‌ره‌كه‌ی هاتووچۆ كه‌ركوك وتیشی: پۆلیسی هاتووچۆ دیاری كراوە و هه‌موو ئاماده‌كارییه‌ك كراوه بۆ ئەو رێگایه و بڕیارە سبەی دووشه‌ممه 19ی ئازاری 2018، كاتژمێر 10ی سه‌رله‌به‌یانی لە ڕێوڕەسمێكدا بە فەرمی شەقامەكە بكرێتەوە.
سه‌باره‌ت به چاكردنه‌وه‌ی پرده‌كانیش، نەقیب بەكر حەسەن بۆ ده‌ڵێت: بەهۆی زۆری هاتووچۆ لەسەر ئەو ڕێگایه، بەشێوەی كاتی پردەكان چاك كراونەتەوە و دوای نەورۆز بەتەواوی دەكرێتەوە و ئێستا كردنەوەكە كاتییە و دوای نەورۆز چاك دەكرێنەوە.
سه‌رچاوه: كوردیو
کۆمێنت (0)
تا ئێستا هیچ کۆمێنتێک نەکراوە.