كۆمپانیای هێڵی ئاسمانی شانه‌شینی ئوردن له سه‌ره‌تای مانگی داهاتووه‌وه گه‌شته‌كانی له فڕۆكه‌خانه‌ی عه‌ممانی پایته‌خته‌وه بۆ هه‌ردوو فڕۆكه‌خانه‌ی هه‌ولێر و سلێمانی ده‌سـتپـێده‌كاته‌وه.
كۆمپانیاكه دوێنێ هه‌ینی له ڕاگه‌یاندنێكدا بۆ ئاژانسی ده‌نگ‌وباسی فڕانس پـرێس گوتی له 1 ی مانگی چواره‌وه گه‌شته‌كانی بۆ هه‌ردوو فڕۆكه‌خانه‌كه ده‌سـتپـێده‌كاته‌وه و نرخی بلیتێك بۆ هه‌ردوو سه‌ر به 395 دۆلار ده‌بێت.
باسی له‌وه‌ش كردووه له هه‌ینیـیه‌وه و هه‌تا كۆتایی ئه‌م مانگی سێـیه، گه‌شتیاران ده‌توانن بلیت بۆ گه‌شته‌كانی 1 ی مانگی چوار هه‌تا 8 ی مانگی شه‌ش ببڕن. ئاماژه‌ی بۆ ئه‌وه‌ش كردووه هه‌فتانه 10 گه‌شتیان بۆ هه‌ولێر و 4 گه‌شتیان بۆ سلێمانی ده‌بێت.
ئاماده‌كردنی: رزگار
سه‌رچاوه: ده‌نگی ئه‌مریكا
کۆمێنت (0)
تا ئێستا هیچ کۆمێنتێک نەکراوە.