هونه‌رمه‌ندی ئاوازدانه‌ری كورد " هه‌ڵكه‌وت زاهیر "جگه له ئه‌نجامدانی كاری هونه‌ری بۆ هونه‌رمه‌ندانی كورد ،بۆ سه‌رجه‌م هونه‌رمه‌ندانی عه‌ره‌ب كاری كردووه جگه له هونه‌رمه‌ندانی جه‌زائیر ، زۆربه‌ی ئه‌م هونه‌رمه‌ندانه‌ش كچان و ژنانن .
ئه‌و هونه‌رمه‌نده باس له شێوازی ستایلی كاره هونه‌رییه‌كانی ده‌كات و ئاشكرایده‌كات كه به 50 شێواز كاری بۆ هونه‌رمه‌ندان كردووه و نایه‌وێت كاره هونه‌رییه‌كانی له كاری هونه‌رمه‌ندانی دیكه بچێت ،وتیشی كاره‌كانی به موزیكه‌كه‌یدا ده‌ناسرێته‌وه و ده‌توانێت به 50 ستایلی جیاواز كاربكات ،وتیشی له كاره هونه‌رییه‌كانیدا سنووری هونه‌ری وڵاته‌كه‌ی به‌زاندووه .
هه‌ڵكه‌وت زاهیر له ئێستادا سه‌رقاڵه به ئه‌نجامدانی ژماره‌یه‌ك كاری هونه‌ری ، یه‌كێك له كاره‌كانی نه‌شیدێكی عه‌ره‌بییه و بنه‌ماڵه‌ی شێخ زاید داوایان لێكردووه و كاره‌كانی له ته‌واوبووندایه ،هه‌روه‌ها له دوای بڵاوبوونه‌وه‌ی ئه‌لبوومی گۆرانی هونه‌رمه‌ند " له‌یلا فه‌ریقی " له‌م ساڵدا ، ئێستا به كارێكی ئایینی به ده‌نگی " لینا" سه‌رقاله بۆ مانگی ره‌مه‌زان .
ناوبراو ته‌نیا له‌م ساڵدا كاری ئاواز و میوزیكی بۆ هه‌ر یه‌ك له هونه‌رمه‌ندان " تارا ره‌سول ، دلاوه‌ر سالح ،شلێر ئه‌مینی ، هه‌رێم محه‌مه‌د ، حه‌سنا مه‌ته‌ر و نیدا رۆس " ئه‌نجامداوه .
جێی باسه هه‌ڵكه‌وت زاهیر دوایین كاری كه له ئێستادا سه‌رقالییه‌تی بریتییه له گۆرانییه‌ك به ده‌نگی هونه‌رمه‌ند "په‌یوه‌ند جاف " بۆ یادی كۆچی دوایی " شێركۆ بێكه‌سه كه ئاوازه‌كه‌ی هی هه‌ڵكه‌وت خۆیه‌تی ه شیعره‌كه‌شی هی " شێركۆ بێكه‌س" ه .
کۆمێنت (0)
تا ئێستا هیچ کۆمێنتێک نەکراوە.