چوارەمین مانۆڕی هاوبەشی سەربازیی هێزە زەمینیەكانی سعوودیە و سوپای ئەمریكا لەژێر ناوی دۆستایەتیی 2018 لە باكووری سعوودیە دەستیپێكرد.
ئەو ئۆپەراسیۆنە و مەشق و ڕاهێنانە بۆ ماوەی چەند هەفتەیەك بەردەوام دەبێت بە مەبەستی بەرەوپێشبردن و پەرەدان بە پەیوەندی سەربازی نێوان دوو وڵات، هەماهەنگی هاوبەش و دانانی پلان بۆ یەكە سەربازییەكان بۆ ئۆپەراسیۆنی هاوبەش و كۆنترۆڵی مەیدانی شەڕ بە شێوازی كلاسیك و ناكلاسیك ساز كراوە.
ساڵح بن ئەحمەد ئەلزەهرانی جێگری فەرماندەی ناوچەی باكووری سوپای سعوودیە روونیكردەوە كە ئەم ئۆپراسیۆنە، یەكێك لە گرنگترین ئۆپەراسیۆنەكان كە فەرماندەیی هێزی زەمینی سوپای سعوودیە گرنگییەكی تایبەتی پێ داوە و هەموو ساڵێكیش بە شێوەی ڕێكوپێك و بە هاوبەش بەڕێوە دەچێت .
سوهێل تاهیر : كوردستان تیڤی
کۆمێنت (0)
تا ئێستا هیچ کۆمێنتێک نەکراوە.