دوو برا له ناحیه‌ی بنگردی سه‌ر به ئیداره‌ی راپه‌رین له كاتی راوه‌ماسیدا له ده‌ریاچه‌ی دوكان خنكان.
به‌رێوه‌به‌رایه‌تی پۆلیسی سلێمانی له راگه‌یه‌نراوێكدا رایگه‌یاند: ئێواره‌ی دوێنێ دوو برا به ناوه‌كانی (ك. ئـ. ئـ) له‌دایكبوی 1999، (م. ئـ. ئـ) له دایكبوی 2001 له ده‌ریاچه‌ی دوكان خنكان.
راشیگه‌یاند: دوای گه‌یشتنی هێزه‌كانی پۆلیس و گه‌ران به دوای ته‌رمه‌كه‌یاندا توانرا ته‌رمی هه‌ردووكیان ده‌ربهێنرێته‌وه .
هه‌روه‌ها به‌ڕێوه‌به‌ری به‌شی پۆلیسی دوكان ڕایگه‌یاند: دوای ئاگادار كردنه‌وه‌مان له ڕوداوه‌كه و به‌هه‌وڵی هێزه‌كانی پۆلیسی دوكان تا كاتژمێر 12 ی هه‌مان شه‌و توانرا ته‌رمی هه‌ردووكیان ده‌ربهێنرێته‌وه.
شایه‌نی باسه دوو براكه دانیشتوی گوندی بێ موشه‌ی سه‌ر به ناحیه‌ی بنگردن و خێزانیان پێك نه‌هێناوه و به‌مه‌به‌ستی ڕاوه‌ماسی ڕویان له‌و ناوچه‌یه كردووه .
کۆمێنت (0)
تا ئێستا هیچ کۆمێنتێک نەکراوە.