بالیۆزی نیوزله‌ندا رایگه‌یاند، بۆ ئاگاداربوون له ره‌وشی هه‌رێمی كوردستان و پته‌و‌كردنی په‌یوه‌ندییه‌كانی نێوان نیوزله‌ندا و هه‌رێمی كوردستان ئه‌م سه‌ردانه‌ی ئه‌نجام داوه.
كه‌ریم شنگالی وه‌زیری ناوخۆ و وه‌زیری پێشمه‌رگه به وه‌كاله‌ت پێشوازی له برادلی ساودن بالیۆزی نوێی نیوزله‌ندا له عێراق كرد.
له دانیشتنێكدا بالیۆزی نیوزله‌ندا رایگه‌یاند، بۆ ئاگاداربوون له ره‌وشی هه‌رێمی كوردستان و پته‌و‌كردنی په‌یوه‌ندییه‌كانی نێوان نیوزله‌ندا و هه‌رێمی كوردستان ئه‌م سه‌ردانه‌ی ئه‌نجام داوه.
دواتر ره‌وشی سیاسی و ئه‌منی له عێراق به گشتی و هه‌رێمی كوردستان به تایبه‌تی و دوا پێشهاته‌كان گفتوگۆیان له‌باره‌وه كرا، به‌تایبه‌ت ره‌وشی ناوچه كوردستانییه‌كانی ده‌ره‌وه‌ی ئیداره‌ی هه‌رێم و په‌یوه‌ندی نێوان هه‌ولێر و به‌غدا.
له‌ومباره‌یه‌شه‌وه هه‌ردوولا كۆك بوون له‌سه‌رئه‌وه‌ی كه ده‌بێت كێشه‌كان به دیالۆگ و له‌سه‌ربنه‌مای ده‌ستوور چاره‌سه‌ر بكرێت.
له‌به‌رامبه‌ریشدا كه‌ریم سنجاری وێرای پێشكه‌شكردنی كورته‌یه‌ك له‌باره‌ی ناوچه كوردستانییه‌كانی ده‌ره‌وه‌ی ئیداره‌ی هه‌رێم و هه‌وڵه‌كان بۆ چاره‌سه‌ر كردنی كێشه‌كان له‌گه‌ڵ حكوومه‌تی فیدراڵی عێراق، ره‌وشی په‌نابه‌ران و ئاواره‌كانیش ته‌وه‌رێكی دیكه‌ی گفتوگۆكان بوون.
کۆمێنت (0)
تا ئێستا هیچ کۆمێنتێک نەکراوە.