پاڵه‌وانێتی نێو ده‌وڵه‌تی ماسته‌ر كڵه‌پ له شاری كه‌ره‌جی وڵاتی ئێران به‌رده‌وامه و له ڕكابه‌رییه‌كانی دووه‌م ڕۆژی پاڵه‌وانێتیه‌كه‌دا ڕوبه‌ڕوبوونه‌وه‌كانی كچان ئه‌نجام دران .
كچانی پێشمه‌رگه له یاریه‌كانی خۆیاندا توانیان چه‌ندین ئه‌نجامی كاریگه‌ر و به‌رچاو به‌ده‌ست بهێنن و به وئه‌نجامه‌كانیشیان هه‌ڵبژارده‌ی عێراقیان له خانه‌ی دووه‌م جێگیر كردوو جامی دووه‌میان وه‌رگرت .
له ئه‌نجامه‌كانی كچانی پێشمه‌رگه له‌و پاڵه‌وانێتیه‌دا ( ئاوێسته سالار - له یاری كاتای تازه‌پێگه‌یشتوان ، پله‌ی سێهه‌می به‌ده‌ست هێنا و ڕۆزا یونس- یش له كاتایی خوار ته‌مه‌ن 21 ساڵ پله‌ی دووه‌می مسۆگه‌ر كرد ، له یاریه‌كانی كۆمیته‌ش كچه یاریزانی یانه‌ی پێشمه‌رگه گه‌زاڵ خان له كێشی - 68 پله‌ی دووه‌می به‌ده‌ست هێنا .
به‌و ئه‌نجامانه‌ش كچانی هه‌ڵبژارده‌ی ئێران یه‌كه‌م و عێراق كه كچانی پێشمه‌رگه نوێنه‌رایه‌تی ده‌كات دووه‌م و ئه‌رمینیاش پله‌ی سێهه‌می برده‌وه.
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.