د میانا سه‌ره‌دانا خوه ده ژبۆ رووسیایێ ئیبراهیم جه‌عفه‌ری وه‌زیرێ ده‌رڤه یێ عیراقێ ب میدیایان راگه‌هاند، هه‌بوونا بنگه‌هێن سه‌ربازی یێن هه‌میشه‌یی یێن ئه‌مه‌ریكایێ ل عیراقێ بنپێكرنا سه‌روه‌ری یا عیراقێ یه و نایێ قه‌بوولكرن.
وه‌زیرێ ده‌رڤه یێ عیراقێ راگه‌هاند ژی، سه‌روه‌ری یا عیراقێ هێلا سۆره و ب تو ئاوایی ئاڤاكرنا بنگه‌هێن سه‌ربازی یێن هه‌میشه‌یی ژئالیێ ئه‌مه‌ریكایێ ڤه ل عیراقێ جێهێ قه‌بولكرنێ نینه و مه به‌رێ ژی راگه‌هاندیه كو ئاڤاكرنا وان بنگه‌هان دڤێ كو ده‌مكی بن و مانا هێزێن ئه‌مریكی ل ئیراقێ دژی ده‌ستووری یه.
جه‌عفه‌ری گۆت ژی، سه‌روه‌ری یا عیراقێ ژبۆ مه هێلا سۆره و تو سازش ژی لسه‌ر نایێ كرن.
گۆت ژی: ل سالا 2014 ئیراقێ داخوازا هاریكاریێ كر، ل وی ده‌می ژی وان داخوازكربوو ئاخا ئیراقێ نه‌هێته بكارئینان و چ سه‌ربازگه‌هـ نه‌هێنه چێكرن، لێ ئه‌مریكا پابه‌ندی ڤێ بریارێ نه‌بوو.
ئه‌ڤه د ده‌مه‌كی دایه هه‌فتییا بووری وه‌زیرێ به‌رگرییا ئه‌مریكا راگه‌هاندبوو؛ هێزێن وان تا بیست سالێن دی دێ ل ئیراقێ مینن و گه‌ر پێدڤی كر دێ هێزێن خوه زێده‌تر كه‌ن و كه‌س ژی نه‌شێت هێزێن وان ده‌ربێخیت.
کۆمێنت (0)
تا ئێستا هیچ کۆمێنتێک نەکراوە.