رۆژێك دوای ئه‌وه‌ی كه سه‌رۆك كۆماری رووسیا په‌رده‌ی له‌سه‌ر چه‌كه ئه‌تۆمییه نوێیه‌كانی وڵاته‌كه‌ی هه‌ڵدایه‌وه، ناتۆ رایگه‌یاند كه هۆشدارییه‌كانی ڤلادیمێر پۆتین له دژی په‌یمانی باكووری ئه‌تڵه‌سیی شتێكی قبوڵنه‌كراوه و یارمه‌تیده‌ر نییه بۆ كه‌مكردنه‌وه‌ی ته‌نگه‌ژه‌كان.
ڤلادیمێر پۆتین كه توڕه‌یه له په‌ره‌سه‌ندنی سنووره‌كانی ناتۆ به‌ره‌و رۆژهه‌ڵات و پێگه‌ی ده‌سه‌ڵاتی سۆڤییه‌تی پێشوو، له وتاری رۆژی پێنجشه‌ممه‌ی خۆیدا وتی هه‌ر هێرشێك بۆسه‌ر هاوپه‌یمانانی مۆسكۆ وه‌ك هێرش بۆسه‌ر خودی مۆسكۆ هه‌ژمار ده‌كرێت و به‌خێرایی هه‌ڵوێستمان له به‌رامبه‌ری ده‌بێت.
هه‌رچه‌نده كه ڤلادیمێر پۆتین روونی نه‌كرده‌وه هاوپه‌یمانانی رووسیا كام وڵاتان ده‌گرێته‌خۆ، به‌ڵام ناتۆ رایگه‌یاندووه كه وته‌كانی پۆتین زۆر شه‌ڕخوازانه بووه و یارمه‌تیده‌ری كه‌مكردنه‌وه‌ی ته‌نگه‌ژه‌كان نییه، كه ئه‌و ته‌نگه‌ژانه له 2014ـه‌وه له‌و كاته‌وه ده‌ستیپێكردووه كه نیمچه دوورگه‌ی قریم به خاكی رووسیاوه لكێنراوه.
سه‌رچاوه / ده‌نگی ئه‌مریكا
مه‌سعود / كوردستان تی ڤی
کۆمێنت (0)
تا ئێستا هیچ کۆمێنتێک نەکراوە.