کچه‌ وه‌رزشوانێکى کورد تووشى هه‌ڵگه‌ڕاوه‌ى زمان بوو

كچه‌ وه‌رزشوانێكى كورد له‌ خولى كوردستان تووشى هه‌ڵگه‌ڕاوه‌ى زمان ده‌بێت و به‌سه‌لامه‌تى لێى ده‌رده‌چێت.

له‌میانه‌ى به‌ڕێوه‌چوونى یارییه‌كانى خولى فوتساڵى یانه‌ پله‌نایابه‌كانى كوردستان له‌گه‌ڕی پێنجه‌مى خوله‌كه‌ ، له‌یاری نێوان ئافره‌تانى هه‌ولێر و ئافرۆدێت كچه‌ وه‌رزشوانى یانه‌ى ئافرۆدێت ئاسیا عه‌بدوڵڵا له‌كاتى یاری كردنى بۆ یانه‌كه‌ى تووشى هه‌ڵگه‌ڕاوه‌ى زمان ده‌بێت و بارى ته‌ندروستى تێك ده‌چێت.

ئه‌رسه‌لان قادر وه‌ك تیمى پزیشكى كه‌ ئاماده‌ی یاریه‌كه‌ بوو، به‌فریاى ئه‌م یاریزانه‌ ده‌كه‌وێت به‌زوویی ژیان بۆ ئه‌م یاریزانه‌ ده‌گه‌ڕێنێته‌وه‌ و چاره‌سه‌رى پێویستى بۆ ده‌كات .
 
دواتر به‌هۆى ئه‌وه‌ى له‌پێناو سه‌لامه‌تى زیاتر بۆ ئه‌م یاریزانه‌ ده‌گوازرێته‌وه‌ نه‌خۆشخانه‌ ، ئاسیا عه‌بدوڵلاى یاریزانى ئافرۆدێت به‌ته‌ندروستیه‌كى باش له‌نه‌خۆشخانه‌ ده‌رده‌چێـت و ده‌گه‌ڕێته‌وه‌ ژیانى ئاسایی خۆی .

هه‌ڵگه‌ڕانه‌وه‌ى زمان له‌كاتى یاری كردن له‌ئه‌نجامى ماندوو بوونى زۆر ڕووده‌دات ، ده‌بێت به‌زوویی له‌ماوه‌یه‌كى كه‌م چاره‌سه‌رى بۆ ئه‌نجامبدرێت له‌پێناو سه‌لامه‌تى گیانى ئه‌و یاریزانه‌.

ئاماده‌كردن : شوان عه‌زیز