له سنووری شارۆچكه‌ی داقووقی سه‌ر به پارێزگای كه‌ركووك، له ئه‌نجامی هێرشێكى چه‌كدارانى داعشدا، چوار چه‌كداری حه‌شدی شه‌عبی كوژران و برینداربوون.
سه‌رچاوه‌یه‌ك، ئه‌مڕۆ چوارشه‌ممه 28/2/2018، بۆ میدیا عێراقییه‌كان ڕایگه‌یاندووه، له ئه‌نجامی هێرشێكی چه‌كدارانی داعش بۆ سه‌ر هێزێكی میلیشیاكانی حه‌شدی شه‌عبی له نێوان شارۆچكه‌ی داقووق و گوندی به‌شیری سه‌ر به شاره‌دێی تازه، چه‌كدارێكی حه‌شدی شه‌عبی كوژراو و سێ چه‌كداری دیكه‌شیان برینداربوون.
له لایه‌كى تره‌وه به‌رێوه‌به‌رى راگه‌یاندنى پۆلیسى كه‌ركووك" رایگه‌یاند ئه‌مرۆ چه‌كدارانى داعش هێرشیان كرده سه‌ر سه‌نگه‌ره‌كانى ژماره‌یه‌ك میلیشیاى حه‌شدى شه‌عبى و به‌هۆیه‌وه ئامر فه‌وجى به‌شیرى حه‌شدى شه‌عبى به ناوى (نه‌شئه‌ت موحسین عه‌لى) كوژراو یه‌كێك له چه‌كدارانى حه‌شد به ناوى (قاسم شه‌مسه‌دین) برینداربوو. هه‌روه‌ها له‌م هێرشه‌دا 8 چه‌كدارى تیرۆریستى داعشیش كوژران.
کۆمێنت (0)
تا ئێستا هیچ کۆمێنتێک نەکراوە.