پایسكیلسواری ئیتاڵی، ئێلیا ڤیڤیانی له تیپی كویك ستێپ فلۆرس پله‌ی یه‌كه‌می له قۆناغی دووه‌می پێشبڕكێی نێوده‌وڵه‌تی ئه‌بوزه‌بی له یاری پایسكیلسواری له ئاستی پیاوان به‌ده‌ستهێنا .
ڤیڤیانی ته‌مه‌ن بیستونۆ ساڵ درێژی سه‌دوپه‌نجاوچوار كیلۆمه‌تری قۆناغی دووه‌می پێشبڕكێكه‌ی له دورگه‌ی یاس به كاتی سێ كاتژمێرو پانزه خوله‌ك و سیی چركه بڕی و پله‌ی یه‌كه‌می مسۆگه‌ركرد.
جێگای باسه چه‌ند هه‌فته‌یه‌ك له‌مه‌وبه‌ر ڤیڤیانی نازناوی پێشبڕكێی پایسكیلسواری دوبه‌ی به‌ده‌ستهێنابوو، سبه‌ی هه‌ینی ململانێكانی قۆناغی سێیه‌می پێشبڕكێی پایسكیلسواری ئه‌بوزه‌بی به درێژی سه‌دوسیی و سێ كیلۆمه‌تر به‌ڕێوه‌ده‌چێت.
کۆمێنت (0)
تا ئێستا هیچ کۆمێنتێک نەکراوە.