كۆمپانیایه‌كی خزمه‌تگوزاری سكۆریتی بۆ دامه‌زراندنی كارمه‌ندی تازه له هێلكه وه‌ك مووچه كه‌ڵك وه‌رده‌گرێت و ئه‌م كاڵایه وه‌ك به‌شێك له مووچه ده‌دات به كارمه‌ندانی خۆی.
كۆمپانیایه‌كی سكۆریتی به‌ناوی ئه‌تڵه‌س مانگانه 144 هێلكه و 2 ملیۆن بۆلیڤاری (به‌رامبه‌ر به 10 دۆلاری ئه‌مریكی) وه‌ك مووچه دیاریكردووه.
له بازاڕی ره‌شی ئه‌م وڵاته‌دا 144 هێلكه به‌رامبه‌ر به 8 دۆلاری ئه‌مریكییه كه به تێكڕا له‌گه‌ڵ 10 دۆلار حه‌قده‌سته‌كه ده‌كاته 18 دۆلاری ئه‌مریكی.
به‌ڕێوه‌به‌ری كۆمپانیاكه باس له‌وه ده‌كات كه بۆ ئه‌م كاره خه‌ڵكێكی زۆر داواكاریی پێشكه‌ش كردووه، كاری زۆربه‌ی ئه‌وانه‌ی له‌م كۆمپانیایه داده‌مه‌زرێن بریتیه له پاسه‌وانی كێڵگه‌كانی كشتوكاڵ و مه‌رجه‌كانیش بریتین له پابه‌ندبوون به كاته‌كانی ئاماده‌بوون له‌سه‌ر كار و كردنه‌به‌ری جلی فه‌رمی و رێكوپێك.
ڤه‌نزوێلا له ئێستادا زیاترین رێژه‌ی هه‌ڵاوسانی له ئاستی جیهاندا هه‌یه و چه‌ندین ساڵه كه‌مبوونی خۆراك و ده‌رمان ته‌نگی به خه‌ڵكی ئه‌م وڵاته هه‌ڵچنیوه.
سه‌رچاوه / بی بی سی
مه‌سعود / كوردستان تیڤی
کۆمێنت (0)
تا ئێستا هیچ کۆمێنتێک نەکراوە.