له راگه‌یه‌ندراوێكدا پۆلیسی راپه‌ڕین راییده‌گه‌یه‌نێت: له شاری قه‌ڵادزه‌ی سه‌ر به ئیداره‌ی راپه‌رین 4 فیشه‌ك له هاوڵاتییه‌ك ده‌درێت و به‌و هۆیه‌وه به سه‌ختی بریندار ده‌بێت ، ده‌شڵێت: دوان له بكه‌رانی ئه‌و ده‌سترێژییه كه‌سانی ناسراون.
به‌رێوه‌به‌رایه‌تی پۆلیسی راپه‌رین رایگه‌یاند: شه‌وی رابردوو هاووڵاتیه‌ك به‌ناوی ( ڕ . م . ڕ ) ته‌مه‌ن 35 ساڵان كه دانیشتووی گه‌ڕه‌كی ئاشتیه له شاری قه‌ڵادزێ و پیشه‌ی كاسبه به برینداری گه‌یه‌نرایه نه‌خۆشخانه‌ی گشتی قه‌ڵادزێ كه ئاسه‌واری 4 فیشه‌ك به جه‌سته‌یه‌وه دیاربوو.
هه‌روه‌ها راشیگه‌یاندوه كه به وته‌ی خۆی له دوكانه‌كه‌یدا 4 كه‌س به‌بیانوی چه‌ند پرسیارێك بانگیان كردووه‌و دواتر به ئۆتۆمبێلێك كه جۆره‌كه‌ی نه‌زانراوه بردویانه بۆ ده‌ره‌وه‌ی شارو پاشان دایده‌به‌زێنن و به چه‌كی جۆری (ده‌مانچه) ته‌قه‌ی لێ ده‌كه‌ن و به‌و هۆیه‌شه‌وه بریندار ده‌بێت كه دوان له تۆمه‌تباره‌كان ناسراون.
پۆلیسی راپه‌رین هه‌روه‌ها راشیگه‌یاندووه: دوای ئه‌وه مه‌فره‌زه‌كانی پۆلیس ده‌گه‌نه شوێنی رووداوه‌كه به مه‌به‌ستی لێكۆڵینه‌وه‌و به بڕیاری دادوه‌ر فه‌رمانی ده‌ستگیركردن بۆ تۆمه‌تباره‌كان ده‌رچووه برینداره‌كه‌ش به‌ڕێكرا بۆ نه‌خۆشخانه‌ی سلێمانی و په‌ڕاوی لێكۆڵینه‌وه‌ش بۆ ڕووداوه‌كه كراوه‌ته‌وه.
کۆمێنت (0)
تا ئێستا هیچ کۆمێنتێک نەکراوە.