ئۆرسۆلا ڤۆن دێرلاین، وه‌زیری به‌رگری ئه‌ڵمانیا به سه‌ردانێك گه‌یشته شاری هه‌ولێر، سه‌رباز و راوێژكارانی سه‌ربازی وڵاته‌كه‌ی به‌سه‌ر ده‌كاته‌وه و هه‌ر ئه‌مڕۆش نەخۆشخانەیەکی تایبەت بە پێشمەرگە لە هەولێر دەکاتەوە.
ئه‌مڕۆ یه‌كشه‌ممه 11/2/2018 وەزیری بەرگریی ئەڵمانیا له‌میانی سه‌ردانه‌كه‌یدا، سه‌ردانی سه‌ربازگه‌یه‌كی پێشمه‌رگه‌ی له شارۆچكه‌ی به‌حركه كرد و له نزیكه‌وه مه‌شق و ڕاهینانی هێزه‌كانی ئه‌ڵمانیای به پێشمه‌رگه و چۆنیه‌تی چاره‌سه‌ركردنی برینداران له گۆڕه‌پانی شه‌ر هه‌روه‌ها به‌شه‌كانی سه‌ربازگه‌ی به‌سه‌ر كرده‌وه.
حكومه‌تی ئه‌ڵمانیا نه‌خۆشخانه‌یه‌كی سه‌ربازی بۆ پێشمه‌رگه له هه‌مان سه‌ربازگه‌دا ده‌كاته‌وه كه بە بڕی شه‌ش ملیۆن یۆرۆ خه‌رجی تێچووه‌كه‌یه‌تی و دواتر نەخۆشخانەکە فراوانتر دەکات.
شیاوی باسه ئۆرسۆلا ڤۆن دێرلاین، وەزیری بەرگریی ئەڵمانیا له‌گه‌ڵ به‌رپرسانی باڵای هه‌رێمی كوردستانيش كۆده‌بێته‌وه و له‌باره‌ی چه‌ند پرسێكی گرنگ و هه‌نوكه‌یی گفتوگۆ ده‌كه‌ن .
کۆمێنت (0)
تا ئێستا هیچ کۆمێنتێک نەکراوە.