کۆبوونەوەی سەرۆكایەتییەكانی پەرلەمان و حکومەت و كۆمیسیۆنی باڵای هەڵبژاردن و راپرسیی هەرێمی كوردستان بۆ دیاریكردنی رۆژی هەڵبژاردن دەستیپێکرد.
سەرلە بەیانی ئەمڕۆ چوارشەممە 7-2-2018 شاندێکی باڵای حکومەت بە سەرۆکایەتی نێچیرڤان بارزانی گەیشتە پەرلەمان و لەگەڵ پەرلەمان و کۆمیسیۆن گفتوگۆ لەبارەی وادەی بەڕێوەچوونی هەڵبژاردنەکان ده‌كه‌ن.
بڕیارە لە کۆبوونەوەی باڵای نێوان پەرلەمان و حکومەت و کۆمسیۆن گفتوگۆ لەبارەی وادەی بەڕێوەچوونی هەڵبژاردنەکانی کوردستان بکرێت.
لە کۆبوونەوەکەدا سەرۆک فڕاکسیۆنەکان به‌شدارن و تێیدا گفتوگۆ لەبارەی ئاستەنگەكانی بەردەم هەڵبژاردن و پاكکردنەوەی تۆماری دەنگدەران دەكرێت هه‌روه‌ها چاوەڕوان دەکرێ وادەی هەڵبژاردنیش دیاری بکرێت.
له کۆتایی ساڵی رابردوو، نێچیرڤان بارزانی نامەیەکی ئاڕاستەی پەرلەمان کرد و داوای کرد لە ماوەی سێ مانگدا هەڵبژاردنەکان بەڕێوەبچن.
کۆمێنت (0)
تا ئێستا هیچ کۆمێنتێک نەکراوە.