رائید ئیقبال مه‌حه‌مه‌د، وته‌بێژی پۆلیسی قه‌زاو ناحییه‌كانی سلێمانی به ماڵپه‌ری ده‌زگای سه‌ته‌لایتی كوردستانی راگه‌یاند: له لایه‌ن بنكه‌ی پۆلیسی عه‌ربه‌ت ئاگادار كراینه‌وه شه‌وی رابردوو به رووداوێكی هاتووچۆ له سه‌ر رێگه‌ی سه‌ره‌كی سلێمانی – عه‌ربه‌ت دوو ئۆتۆمبیلی جۆری تانكه‌ری ئاوی بچووك و گه‌ڵابه‌یه‌كی جۆری ڤیگۆ خۆیان به یه‌كدا كێشاوه له ئه‌نجامی ئه‌و به‌یه‌كدا كێشانه‌ش شۆفێری تانكه‌ره‌كه به ناوی (ع ، ع، ك)ی ته‌مه‌ن 57 ساڵان گیانی له ده‌ست داوه.
راشیگه‌یاند: ده‌ست به جێ پۆلیسی عه‌ربه‌ت ده‌گه‌نه شوێنی رووداوه‌كه‌و ته‌رمه‌كه ره‌وانه‌ی پزیشكی دادی سلێمانی ده‌كه‌ن و ده‌ست به‌سه‌ر ئۆتۆمبیلی رووداوه‌كه‌دا ده‌گرن.
وتیشی: له لایه‌ن بنكه‌ی پۆلیسی عه‌ربه‌ته‌وه په‌راوی لێكۆلینه‌وه بۆ رووداوه‌كه كراوه‌ته‌وه‌و لێكۆلینه‌وه لێی به‌رده‌وامه.
کۆمێنت (0)
تا ئێستا هیچ کۆمێنتێک نەکراوە.