رێكخراوی تیرۆریستی داعش لە رێگەی ئاژانسی ئەعماق كە سەر بەو رێكخراوە تیرۆریستیەیە ، بەرپرسیاریەتی خۆی لەو هێرشەی بەرەبەیانی ئەمڕۆ راگەیاند كە بۆ سەر ئەكادیمییەی سەربازی لە كابولی پایتەخت ئەنجامدرا .
سەرچاوەیەك لە پۆلیسی ئەفغانی بڵاویكردەوە كە ژمارەیەك چەكداری هێرشبەری ئەكادیمیەی مارشال فەهیم ی سەربازی كوژران و شكستیان هێنا لە چوونە ناو ئەكادیمیەكە .
بەسیر موجاهید گوتەبێژ بەناوی پۆلیسی كابول بە ئاژانسی هەواڵی فرانس پرێسی راگەیاند كە بە تەقەكردنێكی زۆر و مووشەك هەڵدان رووداوەكە دەستیپێكرد ، بەڵام ئێستا دۆخەكە ئارام بۆتەوە .
كاتژمێر 5ی بەیانی ئەمڕۆ دەنگی تەقەیەكی زۆر بیسترا لە دەوروبەری كابول بەتایبەتی لەو ئەكادیمیەیە كە زۆربەی ئەفسەرە پلە بەرزەكان تێیدا مەشق ئەنجام دەدەن .
سوهێل تاهیر عەبدولڵا
کۆمێنت (0)
تا ئێستا هیچ کۆمێنتێک نەکراوە.