ئیسماعیل خورماڵی، ئەندامی ئەنجوومەنی کۆمیسیۆنى بالاى سه‌ربه‌خۆى هه‌لبژاردن و راپرسی له هه‌رێمى كوردستان رایده‌گه‌ینێت" ئەو کارانەی کە پێویست و ئەرک بووە لەسەر کۆمیسیۆن بۆ پاککردنەوەی تۆماری دەنگدەران ئەنجامدراون، ئەوەی دەمێنێتەوە دەکەوێتە ئەستۆی حکومەت و پەرلەمان و جەختیش دەکاتەوە کە تۆماری دەنگدەران بەتەواوی پاک دەکرێتەوە.
کۆمسیۆن کە چەند مانگێکە خەریکی خاوێن کردنەوەی تۆماری دەنگدەرانە تاوەکو ئێستا 6 هەزار ناوی دووبارەی لابردووە ، 91 هەزار ناوی لێکچوو هەن کە کۆمیسیۆن کاریان لەسەر دەکات. هەروەها 23 هەزار ناوی ئاوارە لەتۆماری دەنگدەراندا لابراون.
ئیسماعیل خورماڵی راشیگەیاند" بڕیارە لە هەفتەی داهاتوو کۆنفرانسێکی رۆژنامەڤانی سازبکەین و هەموو ئەو وردەکارییانەی پەیوەستە بە تۆماری دەنگدەران و چۆنیەتی بژارکردنی تۆماری دەنگدەران بخه‌ینه‌روو و ئێمە دڵنیایی دەدەینە هەموو لایەک ئەوەی پێویست بێت لەڕووی یاساییەوە و لەسەر شانی ئێمە بێت 100% جێبەجێی دەکەین و ئەو تۆمارە دەکەینە تۆمارێکی خاوێن".
بڕیارە لە چەند رۆژی داهاتوو کۆمسیۆنی هەڵبژاردنەکان وردەکاری پاک کردنەوەی تۆماری دەنگدەران بۆ خەڵک و لایەنەکان ئاشکرا بکات، بەو ئامانجەی ئەو گرفتە گەورەیەی هەڵبژاردن لەبەردەم خۆی هەڵگرێت.
کۆمێنت (0)
تا ئێستا هیچ کۆمێنتێک نەکراوە.