هه‌ر یه‌ك له ئێران و قه‌ته‌رو سوریا پلانێكی سێقۆڵیان بۆ دوورخستنه‌وه‌ی عێراق و سعودیه ئاماده‌كردووه و په‌رله‌مانتارێكی سوننه‌ش رایده‌گه‌ێنێ ، هێزه ناوخۆیی و ده‌ره‌كییه‌كان ناتوانن په‌یوه‌ندییه‌كان نێوان هه‌ردوو وڵات بپچرێنن.
رۆژنامه‌ی وه‌ته‌نی سعودی له راپۆرتێكدا كه دوێنی سیشه‌ممه بڵاوكراوه‌ته‌وه رایگه‌یاندووه:پیلانێكی سێ قۆڵی له نێوان ئێران و سوریاو قه‌ته‌ر بۆ دوورخستنه‌وه‌ی عێراق و سعودیه له ئارادایه.
رۆژنامه‌كه جه‌ختی له‌وه‌شكردۆته‌وه كه پیلانه سێ قۆڵییه‌كه رۆڵی قه‌ته‌ری ده‌ست نیشان كردووه به‌وه‌ی كه رێگا له نزیك بوونه‌وه‌ی عێراق و سعودیه بگرێت و رێگا نه‌دات سعودیه له هه‌ڵبژاردنه‌كانی داهاتووی عێراق رۆڵی هه‌بێت و تێكه‌ڵ به نێوه‌نده عێراقییه جۆربه‌جۆره‌كان ببێت.
له‌مباره‌یه‌وه په‌رله‌مانتاری هاوپه‌یمانی گردبوونه‌وه‌ی مه‌ده‌نی بۆ چاكسازی رایگه‌یاندووه:شانشینی عه‌ره‌بی سعودی دراوسێیه‌كی به‌رێزه له‌سه‌ر عێراق و هێزه ناوخۆیی و ده‌ره‌كییه‌كان ناتوانن په‌یوه‌ندییه‌كان نێوان هه‌ردوو وڵات بپچرێنن.
کۆمێنت (0)
تا ئێستا هیچ کۆمێنتێک نەکراوە.