Erbil 27°C چوارشەممە 02 تشرینی یەکەم 01:44

نێچیرڤان بارزانی لەگەڵ عەلی لاریجانی، سەرۆکی پەرلەمانی ئێران کۆبووەوە

نێچیرڤان بارزانی له‌گه‌ڵ حه‌سه‌ن رووحانی و عه‌لی شه‌مخانی كۆبووه‌وه‌
کوردستان TV
100%

نێچیرڤان بارزانی، سەرۆک وەزیرانی هەرێمی کوردستان و شاندی یاوەری لەگەڵ عەلی لاریجانی، سەرۆکی پەرلەمانی ئێران لە کۆبوونەوە.

هەر ئەمڕۆ لە تاران، شاندەکەی کوردستان بە سەرۆکایەتی نێچیرڤان بارزانی  لەگەڵ حەسەن رووحانی، سەرۆک کۆمار ئێران و عه‌لی شه‌مخانی سکرتێری ئەنجوومەنی باڵای ئاسایشی نیشتمانیی كۆماری ئیسلامیی ئێرانه‌وه‌ پێشوازییان لێكرا.

پێش نیوه‌ڕۆی یه‌كشه‌ممه‌، نێچیرڤان بارزانی ، سه‌رۆكوه‌زیرانی هه‌رێمی كوردستان و حه‌سه‌ن رووحانی ، سه‌رۆك كۆماری ئێران له‌ تاران كۆبوونه‌وه‌ .

له‌ كۆبوونه‌وه‌كه‌دا رووحانی رایگه‌یاندووه‌، ده‌بێت هه‌موو هه‌وڵه‌كان بۆ به‌هێزكردنی زیاتری په‌یوه‌ندییه‌كانی نێوان گه‌لانی ئێران و عێراق به‌كاربهێندرێت.

هه‌روه‌ها رایگه‌یاندووه‌ : سه‌قامگیریی و ئاسایش پێویسته‌ بۆ گه‌یشتن به‌ گه‌شه‌كردن و خۆشبژێوی ، نابێت رێگه‌ بدرێت كه‌ سه‌قامگیریی و ئاسایشی وڵاتانی ناوچه‌كه‌ به‌هه‌ر بیانوویه‌ك تێكبدرێت.

رووحانی ئه‌وه‌شی راگه‌یاندووه‌ كه‌ هه‌موو نه‌ته‌وه‌كان له‌ وڵاتانی ناوچه‌كه‌ به‌تایبه‌ت كوردی عێراق ، ده‌بێت له‌چوارچێوه‌ی ده‌ستوور و یه‌كپارچه‌یی خاكی ئه‌و وڵاتانه‌ ، بگه‌ن به‌ مافه‌ شه‌رعی و یاساییه‌كانیان.

سه‌رۆك كۆماری ئێران به‌ سه‌رۆك وه‌زیرانی هه‌رێمی كوردستانی راگه‌یاندووه‌ كه‌ سه‌رمایه‌دارانی ئێرانی ئاماده‌ن له‌ پڕۆژه‌ ستراتیژییه‌كانی هه‌رێمی كوردستان سه‌رمایه‌گوزاری بكه‌ن.

کوردستان

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.