وته‌بێژی حكومه‌تی هه‌رێمی كوردستان رایگه‌یاند: په‌یوه‌ندی به‌هێزی دیپلۆماسی كورد له‌گه‌ڵ ووڵاتانی ئه‌ورووپی فاكته‌رێكی سه‌ره‌كییه بۆ پشتیوانیانى كورد له دانوستانه‌كان له‌گه‌ڵ به‌غدا.
سه‌فین دزه‌یی وته‌بێژی حكومه‌تی هه‌رێمی كوردستان، سه‌باره‌ت به گرژییه‌كانی نێوان هه‌ولێر و به‌غدا و پشتگیری ووڵاتانی ئه‌وورپی بۆ كورد له چاره‌سه‌ری كێشه‌كان له‌گه‌ڵ ناوه‌ند، له لێدوانێكدا بۆ ده‌زگای سه‌ته‌لایتی كوردستان رایگه‌یاند: په‌یوه‌ندی تۆكمه‌ی دیپلۆماسی كورد له‌گه‌ڵ وڵاتانی ئه‌ورووپی هانی ئه‌م ولاتانه‌ی داوه گوشارێكی زۆرتر بخه‌نه سه‌ر به‌غدا بۆ ئه‌وه‌ی گرژییه‌كانی له‌گه‌ڵ حكومه‌تی هه‌ریمی كوردستان كۆتایی پێبێنێت و بكه‌وێته دانوستان بۆ چاره‌سه‌ری كێشه‌كان.
کۆمێنت (0)
تا ئێستا هیچ کۆمێنتێک نەکراوە.